A-29 автомобиль жолы (Қазақстан)
A-29 — ұзындығы 100 километр болатын Қазақстан аумағындағы ақылы автомобиль жолы.[1] E38 Еуропалық маршруты мен AH61 Азиялық маршрутының құрамдас бөлігі. Тас жол Орал қаласын Саратов қаласымен (Ресей Федерациясы) байланыстырады.
| «Орал — Тасқала — РФ шекарасы» автомобиль жолы | |
A-29 | |
| Бұрынғы нөмірі |
P-236
|
|---|---|
| Ел | |
| Орналасқан аймағы | |
| Мәртебесі |
Республикалық маңыздағы жол |
| Ұзындығы |
100 км |
| Басталатын жері | |
| Аяқталатын жері |
РФ шекарасы |
| Жол жабындысы |
асфальт |
Маршруты
өңдеу| Зашаған | → | Перемётное | → | Тасқала | → | РФ шекарасы |
Сипаттамасы
өңдеуA-29 трассасы Зашаған кентінің тұсынан басталып, Қазақстан-Ресей шекарасында аяқталады. «Тасқала» өткізу бекеті арқылы Саратов қаласына қатынауға мүмкіндік бар.
20 қарашада жарияланған Республикалық маңызы бар Орал — Ресей Федерациясы шекарасы (Саратов) тас жолы ақылы болатыны туралы бұйрық 1 желтоқсанда күшіне енеді. Құжатқа сәйкес 98.9 км жолмен жүргендер төмендегідей сома төлейді:
- орын саны 16-дан аспайтын автобустар және 2.5 тоннаға дейін жүк көтеретін көліктер — 0.142 АЕК (489.9 теңге);
- орын саны 32-ден аспайтын автобустар және 5.5 тоннаға дейін жүк көтеретін көліктер — 0.284 АЕК (979.8 теңге);
- орын саны 32-ден көп автобустар және 10 тоннаға дейін жүк көтеретін көліктер — 0.426 АЕК (1469.7 теңге);
- 10 тоннадан 15 тоннаға дейін жүк көтеретін көліктер — 0.568 АЕК (1959.6 теңге);
- тіркемесі бар жүк көліктері мен ершікті тартқыштарды қоса алғанда, 15 тоннадан ауыр жүк көтеретін машиналар — 0.71 АЕК (2 449.5 теңге).
- Ақылы жолға іргелес елді мекен тұрғындары 1-5 АЕК (2023 жылы 3450-17250 теңге) шамасында болатын айлық абонемент немесе 12-60 АЕК (41 400-207 000 теңге) тұратын жылдық абонемент сатып алса болады.[2]
Қайта жаңғырту жұмыстары
өңдеуТас жол 2018 жылы толық реконструкциялаудан өткізілген.[3]
Дереккөздер
өңдеу- ↑ Қазақстан Республикасы Инвестициялар және даму министрінің м.а. 2015 жылғы 26 наурыздағы № 315 бұйрығы «Халықаралық және республикалық маңызы бар жалпыға ортақ пайдаланылатын автомобиль жолдарын сыныптау қағидалары мен шарттарын, тізбесін, олардың атаулары мен индекстерін, оның ішінде қорғаныстық мақсатта пайдаланылатын автомобиль жолдарының тізбесін бекіту туралы». Тексерілді, 20 желтоқсан 2023.
- ↑ Орал — РФ шекарасы (Саратов) тас жолы ақылы болады
- ↑ БҚО дағы автожолдардың екі учаскесінде жол жүру тарифі енгізілді