Уикипедия

ATYRAÝ (телеарна)

ATYRAÝ — «Қазақстан» республикалық телерадикорпорациясының Атырау облысындағы филиалы. Филиал құрамында бүгінде «Атырау» телеарнасы мен «Атырау радиосы» хабар таратады.

ATYRAÝ
«Қазақстан» РТРК» АҚ Атырау облыстық филиалы
Ел

 Қазақстан

Хабар тарату аумағы

Қазақстан Атырау облысы

Хабар тарату уақыты

14 сағат

Хабар тарату тілдері

қазақша, орысша

Басқару орталығы

Атырау, Молдағалиев көшесі, 29

Арнаның тақырыптамалары

әмбебап

Хабар таратуын бастады

23 қыркүйек 1990 жыл

Иесі

«Қазақстан» РТРК» АҚ

Бұрынғы атаулары

Қазақстан-Атырау

Сайт

atyrautv.kz

Тарихы

өңдеу

Гурьев (қазіргі Атырау) қаласында теледидар хабары тұңғыш рет 1967 жылы 25 желтоқсан күні Одақтық теледидардын бағдарламаларын көруге мүмкіндік берген «Орбита стансасының іске қосылуымен байланысты болды.[1]

Теледидардың алғашқы хабарын эфирге шығаруды режиссер — Гүлжиһан Өтебаева, диктор-редактор — Мәлике Құлпейсова, телеоператор Максим Өтемісов, редактор Қамал Ізмұхамбетов қамтамасыз етті. Осы күннен бастап Атырау қаласының халқы куніне 2 сағат көлемінде жергілікті теледидар хабарын көру мүмкіндігіне ие болды. Оның 1 сағат 15 минутын көркем фильм, жарты сағатын жаңалықтар, қалған уақытын көңілді әуендер, концерт құрайтын. Мамандар тапшылығы өз алдына, қажетті құрал-жабдықтар жетіспейтін. Телестудия бар болғаны 12 шаршы метр аядай бөлме.

"Жаңалықтардың" өзі экранға суреттерді алмастырып қойып, мәтінді кадр сыртында оқу титрлар мен заставкалар жазылып, сызылып көрсетілетін. Таспаға жазылған, жанды хабарлар, таспаның тапшылығынан тек аса маңызды мерекелер мен салтанаттардан ғана репортаж ретінде берілетін. Сол кезеңде теледидарда журналистер Қазихан Қабдел, Әлібек Қайыров, Жолдасқали Ажиров, Сәуірбай Есімов, дикторлар болып Наталья Трилис пен Аққенже Ерәлиевалар еңбек етті.

Материалдық-техникалық жағдайы заман талабына сай болмауына байланысты Гурьев теледидары 1976 жылы 31 желтоқсан күні өзінің өмір сүруін тоқтатты. Облыстық теледидарды қайта өмірге келтіру оңай болған жоқ. 1986 жылы 29 қазанында Қазақ КСР Министірлігінің Кеңесі №310-р Жарлығымен теледидары жоқ облыстарда оны ашуға рұқсат бергенімен бюджет қаржысы есебінен емес, жанама қаржы, яғни мекеме, кәсіпорындар қаржысын жұмылдыру арқылы жүзеге асыруды міндеттеді. Жарлықты жузеге асыру мақсатында 1987 жылы 2 желтоқсанда Еңбекшілер депутаттары Гурьев облысы Кеңесі атқару комитеті "Облыстық телестудия ашуды ұйымдастыру туралы" №445 шешімін алып, облыстың ірі кәсіпорындарын телестудия ашуға қаржы бөлулерін міндеттеді. Елден асарлатып жиналған қаржы есебінен Ресейдің Новосібір, Литваның Шэуляй қалалары шығаратын теледидар құрал-жабдықтары орнатылып, КамАЗ негізінде жасалған жылжымалы телестудия алынды.

1990 жылы 1 Мамыр күні мерекелік репортажбен Атырау теледидары эфирге байқау-сынақ ретінде шыға бастады. Хабарды эфирге шығаруды бас режиссеры Лира Шарипова, телеоператорлар Серік Бахметов пен Синовер Усманов, инженерлер Айбек Ризуанов, Сергей Удовиченко, Болат Кереев, Расул Кенжеғалиев қамтамасыз етті.

Тұсаукесер репортажды бас редактор Мурат Думбаев пен комментатор Мұрат Диаров жүргізді. Атырау телестудиясы Гурьев қаласының 350 жылдығын тойлау кезінде 1990 жылы 1 қыркүйек күні тұсауын ресми түрде кесті. Сол күннен бастап аптаның бес жұмыс күндері эфирге бір сағат толыққанды хабармен шығу жүзеге асырылды. Телестудияның ашылуына сол кездегі облыс басшысы — Ғазиз Алдамжаров, қала басшысы Нұрпейіс Мақашев, "Қазақстан" Республикалық Телерадио комитеті төрағасының орынбасары Мұхамбет Мезгілбаев, студияны ашуға көмек берген мекеме басшылары қатысып, ел өміріндегі елеулі қоғамдық-саяси оқиға ретінде аталып өтті.

Телестудияны ашу кезінде Челябі қаласынан Вячеслав Мрякин, Актөбеден бас редакторлыққа Мұрат Дұмбаев, бас режисерлікке Лира Шарипова шақырылса да жергілікті кадрларды даярлауға ерекше мән берілді. Алғашқы дикторлар Жеміс Дияшева мен Орынша Қапанқызы, режиссеры Ұлбосын Мүсірова Мәскеу қаласындағы теледидар мен радио қызметкерлерінің мамандығын жетілдіру жөніндегі Бүкілодақтық институтын бітіріп келсе, бас дыбыс режиссеры Мұрат Әбілов, телеоператорлар марқұм Серік Бахметов, Синовер Усманов, Алпысбай Құсанов Алматы қаласында мамандықтарын жетілдіру курстарынан өтті. Атырау теледидары дуниеге келгеннен бергі 20 жылдай уақыт ішінде студия құрал-жабдықтарының төрт "ұрпағы" ауысты. Қазір ол түгелдей дерлік сандық қалыпта жұмыс істейтін техникамен жарақтанды. Бұрын бір ғана 120 шаршы метр студия болса, қазір ол екі студиядан тұрады. Хабар тарату жүйесі де төрт рет өзгертуге ұшырады.

Алғашында хабар Атырау қаласы маңында орналасқан елді мекендерге, одан таспаға жазып Алматыға "Кателко" компаниясына қолма-қол жеткізіп беру арқылы таратылса, кейін талшықты оптикалық жүйе арқылы "Кателкоға" жеткізіліп, ол спутниктік жуйе арқылы тәулігіне бір сағат көлемінде облыстың барлық елді мекеніне хабар таратуға қол жетті. 2007 жылы Атырау студиясының өзінде спутник жүйесінің орнатылуына байланысты бір сағат көлеміндегі телехабарлар енді тікелей облыстың барлық елді мекеніне тарайтын (98 пайыз) болды. Облыстық теледидардың тәуліктік 14 сағат көлеміндегі бағдарламасын ел-журттың толық көлемінде тамашалайтын күні де қашық емес. Бұл бағыттағы жұмыстар жүргізілу үстінде. Техникалық жарақтану ерекше қарқынмен жүруде. Алыс ауданда болып жатқан оқиғадан тікелей хабар беру бұрын тек Алматыдағы орталық теледидарлардың қолынан келетін іс болса, қазір ондай мүмкіндікке Атырау теледидары да ие болып отыр.

Атырау теледидарының тарихында халықтың есінен кетпейтін оқиға 1991 жылы Қазақстанның тұңғыш Президентін сайлауы кезінде халықпен кездесуге келген Нұрсұлтан Назарбаевтың Атырау теледидары арқылы 1 сағат көлемінде терең мағыналы сұхбат беруі болды. Сұхбатты журналист, облыстық телерадиокомпанияның сол кездегі директоры Айтқали Нұрғалиев жүргізді. Жергілікті теледидарда мұндай кең көлемде Елбасымен емен-жарқын әңгіме сирек кездесетін құбылыс. Техникалық жарақтанудың жақсаруы ұжымның шығармашылық мүмкіндігін де арттырды. 2005 жылы бері теледидар ұжымы телефильмдер шығарумен айналысып келеді. Ұлы Жеңістің 60 жылдығына орай Волгоград қаласында өткен халықаралық конкурста атыраулықтар түсірген "Тағдыр" атты телефильм жүлделі екінші орын алды. Күнделікті өмір түйткілдерін қозғайтын журналист Айтқали Нурғалиевтің сценарийі бойынша режиссерлер Чапай Зулкашев пен Разия Қасымова, оператор — Талғат Қуанышев, бейнемонтажшылар Әзілхан Уахитов пен Нұрым Құдайберген түсірген "Өзен өз арнасымен ағады" 7 сериялы фильм көрермендердің ыстық ықыласына бөленді

Теледидар хабарларының таратылуы: Атырау қаласында 5 арнамен 17 сағат және Атырау облысы бойынша тәулігіне 1 сағат. Хабар тарату антеннасы 180 метрлік мұнараның 153-і метрінде орналасқан. Облыстық дидардан Атырау қала РТС-на (дыбыс + видео) сигналдың берiлуi ВОЛС бойынша iске асады,Атырау облысы бойынша хабар тарату кезінде сигнал ВОЛС арқылы Алматы қ. СҚТС Кателко АҚ жеткізіледі. Радиохабардың таратылуы: 102 Fm жиілігінде «ELEKTRONIKA» радиоқабылдағышы арқылы таратылады шығыс қуаты 250 Вт, антенна көрші КМК «Атырау-ақпарат» ғимаратының төбесінде орналасқан, биіктігі 30 м. Нақты қабылдау радиусы 10-12 км.

Атырау облыстық телерадиокомпаниясының хабар тарату саясаты «Қазақстан» РТРК» АҚ жүргізіп отырған саясатқа толық сәйкес келедi. Ол мемлекет пен қоғам арасындағы тығыз байланысты орнатуға, ақпараттық және ағарту функцияларын орындауға бағытталған.

Телеарнаның негізігі мақсаты - мемлекеттік ақпараттық саясаттың аймақтық деңгейде жүруін қамтамсыз ету.

Жалпы апталық телеарнаның хабар таратуы 119 сағатты құрайды. Олардың ішінде мелекеттік тілде – 80,30 сағат немесе жалпы хабардың 68 пайызы. Филиалдың меншікті бағдарламалары 45 сағат немесе жалпы хабардың 38 пайызын құрайды.

Жедел жаңалықтар топтамасы 14,3 пайызды құрайды. Ол эфир кестесінде маңызды орын алады. Сонымен қатар,телеарнада қоғамдық-саяси,мәдени-танымдық және ойын-сауық бағдарламалары дайындалып, эфирге жіберіледі.Олар жалпы таралымның 24,4 пайызын құрайды. Телеарнаның басшылығы тіл мәдениетінің қалыптасуын,тіл тазалығын сақтауды жіті қадағалайды. Филиал мол видео және аудио мұрағатқа иелік етеді. Жыл сайын шығармашылық құрамның біліктілігін арттыру мақсатында шеберлік дәрістері, семинарлар мен тренинг сабақтары ұйымдастырылады. Филиалда эфирге жаңалықтар топтамасы үздіксіз,ал,саяси-қоғамдық,әлеуметтік–экономикалық, және мәдени-танымдық тақырыптық бағыттағы 23 циклдық бағдарлама екі тілде шығарылады.

Сонымен қатар:

  • Күн сайынғы «Жаңалық қызметі» ақпараттық шығарылымдары;
  • «Атырау таңы» - күн сайынғы танымдық ақпаратты-ойын-сауық бағдарламасы тікелей эфирде интерактивті түрде шығып келеді;
  • «Сарапта» ақпараттық шолу форматындағы қорытынды бағдарламасы да телеарна эфирде көрсетіліп отыр.

Филиалда жаңалықтар топтамасы шығарылымы үшін бөлек студия жасақталып, толықтай пайдаланылуда. Оның заманауи жабдықтармен және дизайнмен жарақтандырылғандығы «Жаңалық» шығарылымының сапасын жақсартып, көрілімін арттыруға септесті. Жаңалықтар топтамасының шығу уақыты республикалық электронды БАҚ-тың жаңалық тарату уақытымен қабаттаспайтындай етіп, яғни, телекөрермендер сұранысына сай таңдалды.

Негізгі студиядағы декорацияны жедел өзгертуге мүмкіндік беретін жаңа «тұстамалар» («задники») жасақталып, дайындалды. Компьютерлік графика дизайнерімен әр бағдарламаның стилистикасы мен жалпы арнаның толықтай заманауи талаптарға сай болуы мақсатында тұрақты жұмыс жүргізіліп отыр (жаңа «заставкалар», «шапкалар» және «отбивкалар» дайындау).

Нәтижелігін арттыру мақсатында үш редакцияның (жаңалық қызметі, тақырыптық бағдарламалар редакциясы) шығармашылық ұжымы бөлініп, бір-біріне тәуелсіз жұмыс істеуде. Үш редакцияның әр қайсысына операторлар бекітілген. Түсірім (түсірілім/съемка) тәртібін сақтау мақсатында координаторлық қызмет құрылып, ол өз міндетін атқарып келеді. Бұл орайда, көбіне таңдау бастамашыл түсірімдерге түседі. Филиалдың эфирлік кестесі қаланың бүгінгі таңдағы жарнамалық нарығына барынша икемделген. Көптеген бағдарламалар демеушілікке ие.

2008 жылы студияның арнайы жарық беру құрылғысымен жарақтандырылғандығы, бүгінде студияда үлкен ток-шоулар ұйымдастырып, студиялық бағдарламалар түсірілімін жүргізуге мүмкіндік береді.

Қазіргі таңда Атырау филиалы Әкімдікпен және облыстың басқа да ірі ұйымдарымен тығыз жұмыс жасайды.

Облыстық телеарна бағдарламасының қамту аймағын кеңейту үшін тұтастай Атырау облысы аумағында мемлекеттік ақпараттық саясатты жүзеге асыру мақсатында 14 сағаттық меншікті эфирлік шығарылымды қамтамасыз етіп отыр.

2010 жылдан бастап телеарнаның облыстың әр ауданында өз тілшілер қосыны бар. Ауданда дайындалған материал 512 Мбит/с өлшемдегі интернет арқылы орталыққа жіберіледі.

Бағдарламалар (2019-2022 жж.)

өңдеу
  • «Атырау таңы» таңғы ақпаратты-сазды бағдарламасы
  • «Janalyq qyzmeti» (Жаңалық қызметі);[2][3]
  • «Sarapta» (Сарапта) апталық шолу, жүргізуші: Назарбек Қосшиев
  • «Еуразия ендігінде» ток-шоу, жүргізуші: Жәнібек Ғалым;[4]
  • «Батыс көрген» ағылшын тіліндегі хабары, жүргізуші: Қанат Әуесбай;[5]
  • «Экоқоғам» хабары, жүргізуші: Салтанат Мұрат;[6]
  • «Анығында...» сұхбат хабары, жүргізуші: Жәнібек Ғалым, Ж.Темірғалиев;[7]
  • «Еститін мемлекет», жүргізуші: Әйгерім Айтмұханбет
  • «Құрметті азамат», жүргізуші: Салтанат Мұрат;[8]
  • «Онлайн емхана», жүргізуші: Айнагүл Қонысқалиқызы
  • «Балық отаны», жүргізуші: Жәнібек Ғалым;[9]
  • «Эфирде 102.0 FM» телерадиохабары, идея авторы, жоба жетекшісі: Қанат Әуесбай, («Үркер» Ұлттық сыйлығы - 2020);[10]
  • «Қандастар» хабары, («Қазақстан Тәуелсіздігі және Елбасы» халықаралық конкурсында «Үздік телевизиялық материал» аталымында III-орын, 2020 ж.);[11][12]
  • «Каспийден кеткен қыпшақтар» деректі фильм циклы, «Тұмар» Ұлттық сыйлығы, 2022 ж;[13][14][15][16]
  • «Мәңгілік Абай» онлайн телемарафоны, жоба жетекшісі: Қанат Әуесбай, редакторы: А.Қонысқалиқызы;[17][18]
  • «Елтұтқа» 12-бөлімді деректі фильмі, жоба жетекшісі: Қанат Әуесбай, жүргізуші: А.Қонысқалиқызы;[19]
  • «Ақжелең. Күй терапиясы» бағдарламаралық хабары, идея авторы, жоба жетекшісі: Қанат Әуесбай;[20]
  • «Нұржан айтады» әлеуметтік телетолғауы, жоба авторы: Қанат Әуесбай, жүргізуші: Нұржан Өмірбай;[21]
  • «Аспан асты Атырау» бағдарламаралық хабары, идея авторы, жетекшісі: Қанат Әуесбай;[22][23][24][25]
  • «Біздің Илья» 20-бөлімді деректі фильм циклы, идея авторы, жоба жетекшісі: Қанат Әуесбай, редактор: Ажар Ерболған, Нұржан Өмірбай;[26]
  • «Теңіз табанының тарихы» деректі фильм циклы
  • «Ордалы отыз» хабары, Тәуелсіздіктің 30 жылдығына арналған жоба, жүргізуші: Г.Кәрімжан
  • «Миталас» зияткерлік хабары, жоба авторы: Қ.Әуесбай, жүргізуші: Н.Өмірбай;[27]
  • «Меніңше» пікірталас хабары;
  • «Біздің болашақ» хабары, жүргізуші: А.Ерболған;[28]
  • «Өзіміз шәй ішейік» хабары, жүргізуші: Гауһар Нәдірқожа;[29]
  • «Тән шират» спорт хабары, жүргізуші: Райымбек Қойшыбектегі;[30]
  • «Өзіміз ғой» хабары;[31]

Телерадиоарна COVID-19 кезінде (2019-2022 жж.)

өңдеу

2020 жылы COVID-19 пандемиясы кезіндегі телерадиоарнаның жұмысы туралы 2019-2022 жж. «Қазақстан РТРК» АҚ Атырау облыстық филиалы директоры болған Қанат Әуесбай еске алады:

— Өзгелер тәрізді бізге де онлайн-режимде жұмыс жасауымызға тура келді. Мұның өзі алғашында айтарлықтай қиындықтарды туғызғанын жасырмаймыз. Дегенмен кез-келген қиындықтың жаңа мүмкіндіктерді туындататыны түсінікті. Тікелей эфирге шығу үшін Zoom, Skype желілерін іске қосып, солардың мүмкіндіктерін пайдаландық. Сол арқылы алыс-жақындағы спикерлерді әңгімеге тартып, сұхбат алдық, түрлі қызықты да тартымды бағдарламаларды ұйымдастырдық. Тек облыс, ел көлемімен шектеліп қалмай, әлемнің қай қиырында жүрсе де сұхбат беретін адамдарды тауып алып, байланыс орнаттық. Елге, әлеуметке індеттің алдын алу, сақтану жолдары жайлы дәрігерлік кеңестер ұйымдастырып, аса қажетті әрі маңызды ақпараттармен бөлістік. Есімдері елге белгілі дәрігерлердің берген консультацияларын жазып алып, көрерменге жеткіздік. Тіпті, Covid-тан көз жұмған марқұмдарды қалай, қайда жерлеуге болатынына дейінгі ақпаратты жеткізіп отыруға тырыстық.

— Қанат Әуесбайдың «Атырау» газетіне сұхбатында [32]

2019-2022 жж. «Атырау» телеарнасында жасалған креативті тележобалар БАҚ арасындағы көптеген республикалық, халықаралық жүлдеге ие болды. Табысты жылдың қорытындысы ретінде 2020 жылы телеарнада «Жүлде жауған жыл» мерекелік тележобаcы түсірілді;

— Бағдарламаның ерекшелігі, ол радиомен қатар, телеэфирде де қатар жүріп отырады. Яғни, Эфирде 102 FM» аталуы да сондықтан. «Эфирде» сөзі телевизияны анықтап тұрса, «102 FM» сөзі радиотолқынды меңзеп тұр. Аптасына үш рет шығатын танымдық бұл хабарға өңірдің, сонымен бірге, еліміздің танымал тұлғалары мәдениет, өнер, руханият саласында сұхбат береді. Бұл сұхбаттар студияға келіп және тікелей эфирде жүрді. Пандемия жағдайында карантин талаптары күшейтілген тұста да бұл бағдарлама тоқтап қалған жоқ. Zoom желісі арқылы онлайн форматта тікелей эфирде таратуға көшіп, спикерлерімізді қашықтан жаза бастадық. Мұндай тәжірибені біз Атырау телерадиоарнасында тұңғыш рет жүзеге асырдық,

— Қанат Әуесбайдың «Атырау» газетіндегі пікірі[34]

Осы жылдары өндіріске берілген тележобалар арасында Атырау телевизиясында форматы жөнінен тұңғыш дайындалған хабарлар бар. Олар: өзен бойында түсірілген «Жайықтағы жүздесу» сұхбат хабары, «Нұржан айтады» әлеуметтік телетолғауы, «Балық отаны» репортаж-хабары, дронмен түсірілген «Ақжелең. Күй терапиясы», «Аспан асты Атырау» бағдарламаралық хабарлар, Атырауда тұратын шетелдіктермен сұхбатқа құрылған ағылшын тіліндегі «Батыс көрген» хабары. Сондай-ақ, «Еуразия ендігінде» онлайн ток-шоуы, тұңғыш рет кросс-медиа форматында дайындалған «Эфирде 102 FM» телерадиохабары жасалды. «Еуразия ендігінде» онлайн ток-шоуында zoom әлеуметтік желісі мен телевизия мүмкіндігі пайдаланылса, «Эфирде 102 FM» бағдарламасы телеэфир мен радиотолқында бірдей тарады. «Атырау радиосының» жаңа логотипі даярланып, радиостудия мен телестудия жаңа декорациямен жаңаланды.[35] 2020 жылдың 10-тамызында «Атырау» телеарнасында алғаш рет әлеуметтік желі мен тікелей эфирді біріктірген «Мәңгілік Абай» онлайн телемарафоны өтті. Телемарафон Абай күніне орай ұйымдастырылды. «Мәңгілік Абай» онлайн телемарафонына өңірдегі қала, аудандарынан, сондай-ақ, ауылдарынан руханият, өнер мен мәдениет өкілдері қатысты. Абай өлеңдері мен қарасөздері оқылып, әндері шырқалды. Абайдың өмір жолы, шығармашылығынан сыр шертетін еңбектер көпшілік назарына ұсынылды.[36] Ақын Жұмекен Нәжімденовтың 85 жылдығына орай #Jumeken85 республикалық өлең эстафетасы жарияланып, оған еліміздің танымал азаматтары қатысты. Олардың арасында композитор Илья Жақанов, ақын Ұлықбек Есдәулет, сенатор Нұртөре Жүсіп, журналист Жанарбек Әшімжан, композитор Төлеген Мұхамеджанов, ақын Алмас Ахметбекұлы, сенатор Сарсенбай Енсегенов, сол кездегі ҚР мәдениет және спорт министрі Ақтоты Райымқұлова сияқты танымал азаматтар бар. Эстафетаның қорытындысы ретінде Атырау облысындағы орта мектеп оқушылары соңғы қоңырауда Жұмекен өлеңдерін жатқа оқыды.[37] Илья Жақановтың шығармашылығына арнап, «Біздің Илья» деректі фильмдер циклы жасалды. 20-бөлімнен тұратын фильмдер циклында композитордың өнермен өрілген өмірінде кездескен ел азаматтары туралы өнегелі әңгіме, тарихи естелік айтылды. Фильмдер циклы Илья Жақановтың 85 жастық мерейтойына орайластырылды. Сондай-ақ, Атыраудан шыққан елдік ауқымдағы тұлғалардың мерейтойына орай «Елтұтқа» 12-бөлімді деректі фильмдер циклы әзірленді. «Атырау облысының құрметті азаматы» атағын алған асқар бел азаматтар туралы «Құрметті азамат» хабарлар циклы шықты. Египеттегі Қазақстан елшілігімен және Атыраудағы Халел университетімен бірлесіп Каир қаласынан «Каспийден кеткен қыпшақтар» деректі фильмі циклы әзірленді. Сұлтан Бейбарс, Қалауын Сұлтан туралы сериялы фильмдер көрермен сүйіспеншілігіне бөленді. Карантин жағдайында жүзеге асқан бұл сапарға Атырау университетінен ректор Саламат Нұрмұханұлы қолдауымен тарихшы ғалым Аққали Ахмет кеңесші болды. Пандемия жағдайында Египеттегі Қазақстанның елшісі Қайрат Лама-Шариф қолдауының арқасында жүзеге асты. Атырау телевизиясының ардагері Айтқали Құмарғалиұлы медиа-аудиториясы ашылды:

— Ғимараттың бос тұрған үлкен бір залы бар. Сол залдың ендігідегі қызметі туралы біраз ойланып-толғандық. Баспасөз мәслихатын өткізетін пресс-зал бола ма, әлде шеберлік дәрісін өткізетін аудитория бола ма? деген әңгіменің төңірегінде ойталқы болды. Ұжыммен кеңесе келе, тоқсаныншы жылдардың қиын кезеңінде «Атырау» телерадиокомпаниясына басшылық етіп, қазығын қағып, уығын көтерген, іскер басшы, шебер ұйымдастырушы, айтулы қаламгер Айтқали Құмарғалиұлының медиа аудиториясы болғанын құп көрдік. Осы арқылы біз – кейінгі толқын алдыңғы толқынға көрсеткен құрметіміз болсын деп ұйғардық. Ұрпақ сабақтастығының жарқын үлгісін осылай көрсеткіміз келді. Екінші жағынан бұл аудиторияда Халел Досмұхамедұлы университетінің журналистика кафедрасы студенттерін тәжірибе жүзі оқытып-үйретуді көздедік.

— Қанат Әуесбайдың «Атырау» газетіне берген сұхбатында[38]

ATYRAÝ телеарнасының Айтқали Құмарғалиұлы аудиториясы көптеген рухани, мәдени, білім беру іс-шарасының орталығына айналды. Соның бірі - Құныскерей Қожахметұлы туралы республикалық ғылыми-практикалық дөңгелек үстел.[39] Атырауға келген көптеген мәртебелі қонақ медиа-аудиторияға арнайы келіп, сұхбат беріп, БАҚ саласының танымал өкілдері шеберлік дәрісін өткізді. 2020 жылы телеарнада экологиялық мәдениетті дәріптейтін «ЭКОқоғам» хабары ашылды:

— «Қоғамда экологиялық құндылықтарды дәріптеуде ақпарат құралдарының рөлі орасан зор екені белгілі. Қоршаған ортаға жанашырлықпен қарауға негізделген экологиялық сананы қалыптастырудың алғышарты да сол болмақ. Мемлекет басшысы да мұны айқын түсініп отыр. Осы тұрғыда біз, «Атырау» телеарнасының шығармашылық ұжымымен ақылдаса келе, еліміздің батыс өңіріндегі экологиялық мәселелерді көтеріп, экологиялық мәдениетті насихаттайтын «ЭКОқоғам» хабарын ашуды көздеп отырмыз. Бүгінгі ПрезидентЖолдауында экологияға қатысты айтылған түйткілдің барлығы да осы хабардың арқауы болмақ».

— Қанат Әуесбайдың ҚазАқпарат ақпарат агенттігіне пікірі[40]

Кадр тартуда жүйелі жұмыс жасалды. «Атырау» телеарнасына еліміздің маңдайалды оқу орындары – Еуразия ұлттық университеті, әл-Фараби атындағы ҚазҰУ, Жүргенов атындағы Өнер Академиясының түлектері - жас мамандар тартылды. Солардың бірі - «Шабыт» халықаралық шығармашылық фестивалінің дипломанты, ақын Ажар Ерболған шеф-редактор боп қызмет етті. Ажар Ерболған өзі жүргізген «Біздің болашақ» хабарымен «Қазақстан медициналық кеңесі» медициналық білім және ғылым ұйымдарының қауымдастығы ұйымдастырған БАҚ өкілдері арасындағы республикалық байқауда «Медициналық журналист» аталымында жеңімпаз болды. Шығармашылық құрамның жемісті қызметі нәтижесінде «Атырау» телеарнасының өнімдері бірнеше рет «Qazaqstan» телеарнасының «Таңшолпан», «APTA» хабарларынан, «Abai TV» телеарнасынан көрсетілді.

Жетістігі

өңдеу
  • 2017 ж. «Тұмар» Ұлттық сыйлығы, «Адасқандар» журналистік зерттеуі, «Үздік аймақтық ақпараттық бағдарлама», жоба жетекшісі: Ж.Байсемізова, редакторы: Г.Абайқызы;[41]
  • 2020 ж. ҚР Президенті Қасым-Жомарт Тоқаевтың «Атырау» телеарнасына Алғыс хаты;[42]
  • 2020 ж. «Үркер» Ұлттық сыйлығы, «Эфирде 102FM» телерадиохабары, «Радиостансадағы үздік жоба» аталымы, жоба жетекшісі: Қ.Әуесбай;[43]
  • 2020 ж. «Атырау» телеарнасы редакторы Нұрислам Ғұмар БАҚ өкілдері арасындағы республикалық «Нұр Сұңқар» байқауы жеңімпазы;[44]
  • 2022 ж. «Тұмар» Ұлттық сыйлығы, «Каспийден кеткен қыпшақтар» деректі фильм циклы - «Үздік деректі фильм» аталымы, жоба жетекшісі: Қ. Әуесбай, редакторы: А. Қонысқалиқызы.

Сыртқы сілтемелер

өңдеу

Дереккөз

өңдеу
  1. ↑ В эфире Гурьевское телевидение!  (қаз.). azh.kz (27 маусым 2023). Тексерілді, 26 наурыз 2024.
  2. ↑ Телеарнадағы ерекше дәстүр  (қаз.). Атырау телеарнасы (20 маусым 2020). Тексерілді, 26 наурыз 2021.
  3. ↑ Жүлде жауған жыл  (қаз.). Атырау телеарнасы (21 желтоқсан 2020). Тексерілді, 26 наурыз 2021.
  4. ↑ «Еуразия ендігінде» ток-шоу  (қаз.). Атырау телеарнасы (21 желтоқсан 2020). Тексерілді, 26 наурыз 2021.
  5. ↑ Батыс көрген, филлипин азаматы Фоман Дела Круз  (қаз.). Атырау телеарнасы (16.02.2020). Тексерілді, 26 наурыз 2024.
  6. ↑ Қоқыс сұрыптау - тұралап тұрған кәсіп - ЭКОҚОҒАМ  (қаз.). Атырау телеарнасы (20 қыркүйек 2020). Тексерілді, 26 наурыз 2024.
  7. ↑ «Анығында» хабарында ҚР Энергетика министрі Болат Ақшолақов  (қаз.). Атырау телеарнасы (22 тамыз 2022). Тексерілді, 26 наурыз 2024.
  8. ↑ «Құрметті азамат» хабары  (қаз.). Атырау телеарнасы (11 cәуір 2022). Тексерілді, 26 наурыз 2023.
  9. ↑ «Балық отаны» хабары  (қаз.). Атырау телеарнасы (31 желтоқсан 2021). Тексерілді, 26 наурыз 2022.
  10. ↑ Эфирде 102 fm хабары «Үркер» ұлттық сыйлығы иегері  (қаз.). Атырау телеарнасы (13.11.2020). Тексерілді, 26 наурыз 2021.
  11. ↑ «ATYRAÝ» телеарнасының жобасы халықаралық деңгейде бағаланды  (қаз.). Атырау телеарнасы (9 желтоқсан 2020). Тексерілді, 26 наурыз 2021.
  12. ↑ Халықаралық марапат иесін тапты  (қаз.). Атырау телеарнасы (11 желтоқсан 2020). Тексерілді, 26 наурыз 2021.
  13. ↑ «Каспийден кеткен қыпшақтар: Қыпшақ сұлтандары»  (қаз.). Атырау телеарнасы (13 маусым 2022). Тексерілді, 26 наурыз 2023.
  14. ↑ «Каспийден кеткен қыпшақтар: Мәмлүк сұлтанатының құрылуы»  (қаз.). Атырау телеарнасы (13 маусым 2022). Тексерілді, 26 наурыз 2023.
  15. ↑ «Каспийден кеткен қыпшақтар: Жеңістердің әкесі - Байбарыс»  (қаз.). Атырау телеарнасы (13 маусым 2022). Тексерілді, 26 ақпан 2023.
  16. ↑ «Каспийден кеткен қыпшақтар: Мәмлүктер бастаған өркениет»  (қаз.). Атырау телеарнасы (13 маусым 2022). Тексерілді, 27 ақпан 2023.
  17. ↑ «Мәңгілік Абай» онлайн телемарафоны  (қаз.). Атырау телеарнасы (20 тамыз 2021). Тексерілді, 26 наурыз 2022.
  18. ↑ Төларна төрінде «Мәңгілік Абай»  (қаз.). Атырау телеарнасы (10 тамыз 2021). Тексерілді, 26 наурыз 2022.
  19. ↑ Елтұтқа - Досмұхамбетовтің дара даңғылы  (қаз.). Атырау телеарнасы (15 қыркүйек 2021). Тексерілді, 26 наурыз 2022.
  20. ↑ Ақжелең.Күй терапиясы  (қаз.). Атырау телеарнасы (13.03.2021). Тексерілді, 26 наурыз 2022.
  21. ↑ «Нұржан айтады» әлеуметтік телетолғау  (қаз.). Атырау телеарнасы (10 қыркүйек 2020). Тексерілді, 26 наурыз 2021.
  22. ↑ «Аспан асты Атырау», Қараой  (қаз.). Атырау телеарнасы (2023-17-03). Тексерілді, 26 наурыз 2024.
  23. ↑ «Аспан асты Атырау», Иманқара үңгірі  (қаз.). Атырау телеарнасы (2023-17-03). Тексерілді, 26 наурыз 2024.
  24. ↑ «Аспан асты Атырау», Тұзбұлақ  (қаз.). Атырау телеарнасы (17 наурыз 2023). Тексерілді, 26 ақпан 2024.
  25. ↑ «Аспан асты Атырау», Лотос гүлі  (қаз.). Атырау телеарнасы (3 қазан 2021). Тексерілді, 26 ақпан 2024.
  26. ↑ Біздің Илья  (қаз.). Атырау телеарнасы (20 қаңтар 2020). Тексерілді, 26 наурыз 2021.
  27. ↑ МиТалас зияткерлік хабары  (қаз.). Атырау телеарнасы (19 тамыз 2021). Тексерілді, 26 наурыз 2021.
  28. ↑ «Біздің болашақ» хабары  (қаз.). Атырау телеарнасы (19 тамыз 2021). Тексерілді, 26 наурыз 2021.
  29. ↑ «Өзіміз шәй ішейік» хабары  (қаз.). Атырау телеарнасы (20 қыркүйек 2020). Тексерілді, 26 наурыз 2021.
  30. ↑ Төларнамен бірге «Тән шират» хабары  (қаз.). Атырау телеарнасы (16 қыркүйек 2020). Тексерілді, 26 наурыз 2021.
  31. ↑ Төларнада жаңа жоба  (қаз.). Атырау телеарнасы (30 сәуір 2021). Тексерілді, 26 наурыз 2022.
  32. ↑ Қанат Әуесбай Әуесбайдың Қанаты Атырау телерадиоарнасының жаңа жобалары туралы айтты  (қаз.) (25.12.2020). Тексерілді, 26 наурыз 2024.}
  33. ↑ На волнах «Атырау» — «Прикаспийская коммуна», 02.07.2019.
  34. ↑ Қанат Әуесбай Қанат Әуесбай, «Үркер» ұлттық сыйлығының иегері «Atyraý Radiosy» тәулігіне 17 сағат хабар таратып отыр  (қаз.) (17.11.2020). Тексерілді, 26 наурыз 2024.
  35. ↑ «Atyraý radiosy»-ның жаңа радиостудиясы ашылды — «Egemen Qazaqstan», 29.06.2020.
  36. ↑ «Мәңгілік Абай» телемарафоны  (қаз.) (29.06.2019). Тексерілді, 1 сәуір 2024.
  37. ↑ Жұмекен Нәжімеденов оқуларын атыраулық оқушылар аяқтады— «Qazaqstan» телеарнасы, 26.05.2020.
  38. ↑ «Адам нені көріп, нені оқығанының жемісі» дейді Әуесбайдың Қанаты  (қаз.) (20.12.2019). Тексерілді, 26 наурыз 2024.
  39. ↑ Атыраулықтар қуғынға ұшыраған қайраткер Құныскерей Қожахметұлын еске алды (15.02.2020). Тексерілді, 1 сәуір 2024.
  40. ↑ Қанат Әуесбай: «Атырау» телеарнасында экологиялық мәдениетті насихаттайтын хабар ашуды көздеп отырмыз (02.10.2020). Тексерілді, 26 наурыз 2024.
  41. ↑ «Қазақстан Атырау» телеарнасы "Тұмар" сыйлығын иеленді  (қаз.). atyrautv.kz (17 наурыз 2017). Тексерілді, 26 наурыз 2018.
  42. ↑ «ATYRAÝ» арнасына Президент Алғыс хаты  (қаз.). atyrautv.kz (6 тамыз 2020). Тексерілді, 26 ақпан 2021.
  43. ↑ «Атырау радиосы» «Үркер» Ұлттық сыйлығын алды  (қаз.). atyrautv.kz (13 қараша 2020). Тексерілді, 26 наурыз 2021.
  44. ↑ «Нұр Сұңқар» жобасының жеңімпаздары анықталды  (қаз.). Qazaqstan tv (26 маусым 2020). Тексерілді, 26 наурыз 2021.
«https://kk.wikipedia.org/w/index.php?title=ATYRAÝ_(телеарна)&oldid=3363772» бетінен алынған