Azerspace-1
Azerspace-1 немесе AzerSat (әз. AzərSat-1), сондай-ақ AzerSpace Africasat-1a деген атпен белгілі, STAR-2 спутниктік платформасы негізінде Orbital Sciences корпорациясы жасаған алғашқы әзербайжандық байланыс серігі.[2] Спутниктің салмағы шамамен 3,2 тонна және 36 белсенді транспондермен жабдықталған. Ол геостационарлық орбитада шығыс бойлықтың 46 градус позициясында орналасқан және Еуропа, Кавказ, Африка, Орталық Азия және Таяу Шығыс аймағын қамтиды. Жер серігі 2013 жылы 7 ақпанда Куру ғарыш айлағынан ұшырылған.
| Azerspace-1 | |
|---|---|
| Ұйымы | Әзірбайжан Ұлттық аэроғарыш агенттігі |
| Тапсырысы | Телерадио хабарларын тарату және телекоммуникация қызметтерін көрсету, сапалы және тұрақты байланыс алаңдарымен қамтамасыз ету |
| Ұшыру күн-айы | 2013 жылғы 7 ақпан, 22:36 UTC[1] |
| NSSDC нөмірі | 2013-006B |
| Массасы | 3200 кг |
Тарихы
өңдеу
2008 жылы Әзірбайжан президенті Ильхам Әлиев «Әзербайжанда ғарыш саласын құру және телекоммуникациялық спутниктерді орбитаға шығару туралы» бұйрыққа қол қойды. 2009 жылы ғарыш саласын құру мен дамытудың мемлекеттік бағдарламасын бекіту туралы бұйрыққа қол қойылды.
Ұлттық байланыс спутнигін ұшыруға 163 миллион манат (202,6 миллион доллар) жұмсалды.
- Жер серігінің құны 86-87 миллион манат (107-108 миллион доллар)
- Негізгі және резервтік спутниктік басқару жүйелеріне арналған шығындар – 16 миллион манат (19,8 миллион доллар)
- Жер серігін орбитаға шығару үшін зымыранды дайындау және ұшыру құны шамамен 40 миллион манатты (49,7 миллион доллар) құрайды.
- 100% сақтандыру - 18 миллион манат (22,4 миллион доллар)
Шығындарды өтеу 5-7 жыл. Алдағы 8 - 10 жылда жерсеріктің жұмысы тиімді болмақ.
Орбитаға ұшыру
өңдеуЖер серігін орбитаға шығаруды француздық Arianespace компаниясы жүзеге асырды. Azerspace/Africasat-1a спутнигін Orbital Sciences корпорациясы жасап шығарды, спутник орналасқан 46 градус шығыс бойлық орбиталық позициясы малайзиялық MEASAT операторымен жасалған келісімге сәйкес бірлескен пайдалануда.
Azerspace-1 орбитаға 2013 жылғы 7 ақпанда жергілікті уақыт бойынша сағат 18:36-да Гвиана ғарыш орталығы – Француз Гвианасындағы Куру ғарыш айлағынан ұшырылды. Ұшыру Әзірбайжан туы бейнеленген Ariane-5 зымыран тасығышымен жүзеге асты. Әзірбайжан жер серігімен бірге орбитаға испандық Amazonas-3 спутнигі шығарылды. Орбитада спутниктің қызмет ету мерзімі кемінде 15 жыл. Спутник телерадио хабарларын таратуды, телекоммуникациялық қызметтерді, жоғары сапалы және тұрақты байланысты қамтамасыз етеді. Ұлттық жерсеріктің болуы жоғары сапалы телехабар таратуды, сенімді байланысты құруға, арналар санын көбейтуге мүмкіндік береді.
Пайда
өңдеуСпутниктің 2013 жылдың 2 айындағы (маусым, шілде) пайдасы 5 миллион долларды құрады. Спутникті пайдалану кезеңінде 600 миллион доллар көлемінде табыс алу жоспарлануда.
Дереккөздер
өңдеу- ↑ Amazonas-3 ready for launch. Мұрағат көшірмесі 15 шілденің 2021 Wayback Machine мұрағатында (ағыл.)
- ↑ New Oil Money Fueling Modest Space Dreams and Political Heartburn.(қолжетпейтін сілтеме)