KÓKSHE (телеарна)

KÓKSHE — Ақмола облысының жергілікті телеарнасы. «Қазақстан» РТРК» АҚ Ақмола облыстық филиалы 1999 жылдың 21 қыркүйегінде Ақмола облысының орталығы Астана қаласынан Көкшетауға ауысқаннан кейін құрылды. Алғашқы эфир 1999 жылдың 4 қазанында шықты. Құрылған күннен бастап 2004 жылдың күзіне дейін филиал ғимарат жалдап келген. Ал қазіргі кезде «Қазақстан» РТРК» АҚ АОФ-ның қала орталығында орналасқан екі қабатты жеке ғимараты бар.

KÓKSHE
«Қазақстан» РТРК» АҚ Ақмола облыстық филиалы
Ел	Қазақстан
Хабар тарату аумағы	Ақмола облысы
Хабар тарату уақыты	14 сағат
Хабар тарату тілдері	қазақша, орысша
Басқару орталығы	Көкшетау, М.Сағдиев көшесі, 19
Арнаның тақырыптамалары	әмбебап
Хабар таратуын бастады	21 қыркүйек 1999 жыл
Иесі	«Қазақстан» РТРК» АҚ
Директоры	Берік Әбділманов
Бұрынғы атаулары	Қазақстан-Көкшетау
Сайт	kokshetv.kz

Облыстық телеарна ғимараты

Облыстық филиал бүгінгі күн талабына сай жұмыс жасауда. Қолда бар мүмкіндіктерді барынша тиімді пайдалана отырып, ұжым шығармашылық ізденіс үстінде қызмет істеуде. Сондай ізденістер, ерінбей еңбек етудің арқасында арнаның көрермендерінің саны арта түсті. Ал спутниктік сандық жүйеге көшу таралым аймағының кеңеюіне байланысы арта түсті.

Бүгінде ұжымда 78 қызметкер бар, олардың орташа жасы 24-25, бұл негізгі мақсаттарды: аймақтық деңгейдегі мемлекеттік саясаты насихаттау, шығармашылықты жаңа сатыға көтеріп аудиторияны кеңейтуді жүзеге асыруға мүмкіндік береді. Филиалды техникалық қамтамасыз ету негізгі міндеттердің бірі.

Арнаның жеке таратылым уақыты 14 сағат. Таратылым рейтінгі бүгінгі күні жоғары, оны облыс тұрғындарының хабарласуы, телефон шалуы, түрлі бағдарламаларға белсенді қатысуы дәлелдеп отыр. Сонымен бірге жарнамалық қызметке жүгінгендер санының артуы да осыған дәлел. Тұрғындардың жоғары қызығушылығын танытатын хабарлар арасында «Ақмола ақпарат» ақпараттық бағдарламасы, «Өзекті мәселе», «Қалайсың, қайран ауылым?», «Не детские вопросы»,«Живой родник», «Мы научились», «Қайықта», «Армысың, Ақмола!», «Бір бала» телехабарлары бар.

Өткен маусымдарда республикалық, облыстық байқауларда талай мәрте жүлделерге ие болған талантты журналистер Мадина Смағұлованың «Леди совершенство», «Музыкальное путешествие», Гәкку Асылбекқызының «Жағажайдағы сырласу», «Тарихыңды таны», Жанат Жанұзақтың «Ақынның - сөзі аманат», «Арқаның ән бесігі», «Күй құдіреті», Әсем Қаматайқызының «Ата көрген», «Той түлеткен Астана!» сияқты хабарлар көрермендердің ыстық ықыласына бөленді.

Ал биылғы маусымда Наталья Анфимованың «Не детские вопросы», Наталья Дементьеваның «Живой родник». «Благодарю тебя, учитель!», Ақерке Ерболаттың «Армысың, Ақмола!», Гәкку Асылбекқызының «Ана - өмірдің шырағы», Бағлан Иманғазиновтың «Теле-хи-хи-ха», Бибінұр Көкірованың «Мың алғыс саған, ұстазым!», Қазақстан Республикасы тәуелсіздігінің 20 жылдығына арналған, барлық журналистер мен режиссерлер ат салысып отырған тележурнал, т.б. тың хабарлар көрермендер көңілінен шығуда.

Сiлтемелер

• http://kokshetautv.kz
• http://kokshetautv.kz/kz/category/channel Мұрағатталған 8 тамыздың 2014 жылы.
• http://kokshetautv.kz/kz/news
• http://kokshetautv.kz/kz/programs/index/programs Мұрағатталған 10 тамыздың 2014 жылы.
• http://kokshetautv.kz/kz/programs/live Мұрағатталған 8 тамыздың 2014 жылы.