QNET

Qnet
	Qnet
Қызметі	Саяхаттау, өмір салты, білім
Құрылды	1998;
Құрушы	Виджей Эсваран
Орналасуы	Гонконг
Басты адамдары	Малу Калуза (бас директор)
Өнімі	Тұтыну тауарлары,сағаттар, денсаулық өнімдері
Басшы компания	Qi Group
Сайты	www.qnet.net

Qnet Ltd (бұрынғы атауы QuestNet, GoldQuest, және QI Limited, Гонконг-QI) — Гонконгта орналасқан тікелей сатуды және көп деңгейлі маркетингті (МЛМ) пайдаланатын халықаралық компания.

QI Group компаниялар тобының негізгі кәсіпорны болып табылады және әртүрлі тауарлар мен қызметтерді: жеке гигиена құралдарын, Үйге арналған тауарларды, биологиялық белсенді қоспаларды, оқыту курстарын, сағаттарды, зергерлік әшекейлерді, нумизматикалық және мерейтойлық монеталарды және туристік пакеттерді сатумен айналысады. Компания Гонконгта Виджей Эсфаранмен және Джозеф Бисмаркпен 1998 жылы құрылды. Компания қаржы пирамидаларын құруда айыпталды. Иранда бұл айыптаулар компания филиалдарының жабылуына және оның мүшелерін қамауға алуға әкеп соқты.

Компанияның қызметін Канадада және Әзірбайжанда үкіметтік агенттіктер де жолын кесті. Бұл ретте компанияның өзі барлық айыптауларды жоққа шығарады, ал Әзірбайжандағы кеңселер жұмысын жалғастыруда.^[1] Компанияның өзі барлық айыптауларды жоққа шығарады, Индонезиядағы айыптаулар алынып тасталды және компанияның мүшелері бостандыққа шықты, ал компанияның өзі Индонезияның тікелей сату Ассоциациясына қабылданды, Дубайдағы және Әзірбайжандағы кеңселері әлі күнге дейін жұмыс жасап тұр.

Компания туралы өңдеу

QNet Сингапурдағы жеке қауымдастықтар ассоциациясының, Малайзияның, Индонезия мен Филиппиннің, БАӘ-нің , Гонконг денсаулық сақтау қауымдастығының және Сингапурдағы электронды коммерция ассоциациясының мүшелері болып табылады. 2015 жылдан бастап БҰҰ-ның Ғаламдық келісімшартының мүшесі (бұл тізімге түсу үшін БҰҰ-на жыл сайын өзінің онда болғысы келетінін мақұлдау жіберсе жеткілікті). Осы жылы компания Давостағы Бүкіләлемдік Экономикалық Форумда ғаламдық өсу компанияларының тізіміне енді. Осы жылы Business For Home салалық басылымының нұсқасы бойынша тікелей сатудың ТОП-100 компаниялар тізіміне енді.[1] 2017 жылы компания Гонконгтың өз саласындағы HR Asia басылымының нұсқасы бойынша үздік жұмыс беруші ретінде мойындалды. Индонезия аймағында компания Pos Indonesia мемлекеттік пошталық компаниясының ірі клиенті болып табылады. Компанияның әлемнің 23 мемлекетінде, соның ішінде Үндістанда, Түркияда, Арменияда, Индонезияда, Малайзияда өкілдіктері бар. QNET Еуропада белгісіз,бірақ 2013 жылдың желтоқсанындағы жағдай бойынша ол жақта да операцияларын кеңейтуді жоспарлаған. Осы жылы Германияда кеңсесі ашылды және Голландияда күніне 100 000 жеткізілімді жүзеге асыра алатын логистикалық кеңсесі ашылды. 2014 жылдың қаңтарында компания Ресейде кеңсесінің ашылғандығын хабарлады. 2016 жылдың 25 қарашасында Украинада кеңсесі ашылды.

Жұмыс істеу принципі, саясаты өңдеу

Qnet желілік маркетинг болғандықтан мұнда адам тарта білу керек. Бұл желілік маркетинг бинарлық тәртіппен жұмыс істейді. Яғни өзіңіз Qnet-тің тауарын сатып алғаннан кейін өзіңізге пайда түсу үшін алдымен сол қолыңызға және оң қолыңызға 2 адам, яғни "бизнес-серіктестер" табуыңыз керек. Ол 2 адам да Qnet-тің тауарларын сатып алуы тиіс. Егер сіздің қол астыңызға 2 адам тіркелсе сіз алғашқы 200 долларды аласыз. Сосын олар да астына 2 адам табуы үшін оларды үйретесіз. Қол астыңыздағы адепттер де (сіз тіркеген 2 адам) табыс табу үшін баланс жасау қажет. Яғни 4 адам тіркеуі керек. Ал олар баланс жасамаса сізге де, оларға да табыс түспейді.

Ал сіз төмендегі адамдар үшін аплайн болып аталасыз. Сіз тіркеген адамдар өзінің басындағы негатив жағдайларды өзінің тіркеген адамдарына айтпауы керек, тек сізге , яғни "аплайндар"-ға ғана айтуы тиіс.

Жүйеге кіру үшін адамдар тауар сатып алуы тиіс. Қазақстанда жиі өткізіп отқан тауарлар QVI club туристік карталары. Олардың бағасы долллармен сатылатындықтан 700 мың теңгеден бастап 1 миллион 500 мың теңгеге дейін барады.

Qnet-ке кірген адам оқытудан өтеді, бұл оқыту тәсілдері сынға ілінерлік тәсілдер. Мысалы, "сен қандай адамдарыңа айына 5мың доллар алып келетінін қалайсың?" деп сұрайды. Адамдар әрине, ата-анасын, жақын бауырларын, қарындастарын айтады. Компания аплайндары алдымен осы жақын адамдарыңды желілік маркетингке кіргізуді ұсынады. Мұнда олардың "әсер ету ортасы" деген термині бар, яғни қандай адамдарыңа сөзің өтеді, соларды бірінші шақыр деген қағиданы ұстанады.

Адепттер жаңа адам шақырғанда 3 рет кездесу өткізіледі. Бірінші және екінші кездесулерде сіздің армандарыңызды, қайда істеп жүргеніңізді сұрайды. Сосын санаға әсер ететін видеолар көрсетіп, сіздің қандай құрдымда жүргеніңізге сендіруге тырысады. Бұл "бизнес"-ке кірерде ешкіммен ақылдаспауыңызды, интернетке қарамауыңызды ұсынады. Олардың санасы бай адамдардың ойлау жүйесінен төмен деп бетін қайтарады.

Критикалық ойлау жүйесі жоқ, сауаты аз адамдар мұнда тез кіріп кетуі мүмкін.

Үшінші кездесуде жаңа шақырылған адамға осы "бизнес"-ке ақша алып келуі , болмаса несие алуы ұсынылады. ^[2]

Тарихы өңдеу

QNet QI топтарының еншілес кәсіпорындары болып табылады және 1998 жылы негізі қаланған. Компанияның негізін қалаушылар Виджей Эсваран (ағылш.Vijay Eswaran) мен Джозеф Бисмарк. Алғашында компанияның атауы GoldQuest ретінде танымал болған. Qnet әртүрлі тұтыну тауарларын, соның ішінде сағаттар, онлайн-оқыту, зергерлік бұйымдар, туристік пакеттер, су және ауа тазалағыштарын және биоқоспаларды тікелей сату арқылы сататын компания ретінде жұмыс істейді. 2003 жылы компания QuestNet деп аталды.

2002 жылы компания туристік бизнесті бастады, ол бөлімді QVI Club деп аталды.

Компанияға қатысты айтылған сындар өңдеу

Бірнеше Ресей БАҚ-тары, сонымен қоса Россия-1 арнасы арнайы репортаждарында және мақалаларында Qnet-ті қаржы пирамидасы деп атады.^[3]^[4] ^[5]

Қазақстанның бірнеше арналары Qnet компаниясына алданған адамдарға қатысты негатив жаңалықтарды көрсетті.

2002 жылдың 4 қыркүйегінде австралия парламентінің мүшесі Камерон Томпсон GoldQuest ағылшын тілінде дайындалған The Office of Consumer and Business Affairs in South Australia пирамидалар тізімінде екендігін көрсетті.

Непалдың ішкі істер министрі 2003 жылдың ақпанында GoldQuest-ке Непал үкіметінде тіркелмеген "пирамида" деп тыйым салды. Непал Орталық Банкінің валюталық операциялар жетекшісі Кришна Бахадур Манадхар GoldQuest - бұл "жүз пайыз алаяқтық" деп мәлімдеді.^[6]

31 телеарна 2020 жылдың 20 қазанында Талдықорғанда Qnet-ке қатысты 240 адамның шағымданғаны хабарланды.^[7]

2021 жылдың маусымында ҚР қаржы нарығы мен қаржы ұйымдарын реттеу агенттігі лицензиясы жоқ компаниялардың қара тізімін жариялады.[2] Мұрағатталған 2 тамыздың 2021 жылы. Сол тізімнің ішінде QNET "Халықаралық бюро консалтингі" ЖШС-і де енді.

2021 жылдың қыркүйегінде "Астана" телеарнасының "Айтарым бар" бағдарламасында Qnet-тен зардап шекккендер туралы хабар көрсетілді, жалпы мемлекеттегі қаржылық пирамидаларға қатысты талқылаулар болды.^[8]

Дереккөздер өңдеу

[1] ttp://www.rosbalt.ru/world/2009/02/14/618363.html

[2] ttp://lurkmore.to/QNet(қолжетпейтін сілтеме)

[3] ttps://www.vesti.ru/doc.html?id=1124839

[4] ttps://www.m24.ru/videos/dengi/06082013/25663

[5] ttps://issuu.com/metro_russia/docs/20131016_ru_omsk

[6] ttp://www.nepalitimes.com/issue/2003/02/07/DomesticBrief/4625

[7] ttps://www.youtube.com/watch?v=w6XTAHDYTHE&t=86s&ab_channel=%D0%98%D0%BD%D1%84%D0%BE%D1%80%D0%BC%D0%B1%D1%8E%D1%80%D0%BE31

[8] ttps://astanatv.kz/kz/video/8234/

[1]

[2]

[3]

[4]

[5]

[6]

[7]

[8]