Sud Aviation Caravelle

Каравелла (фр. Caravelle) — француздық орта қашықтықтық турбореактивті жолаушы ұшақтарының маркасы. Ұшақ 1955 жылдан 1970-жылдардың ортасына дейін Ұлттық авиа-ғарыш өндірістік қоғамымен (Societé Nationale Industrielle Aérospatiale) өндірілген.

Caravelle
Air Toulouse әуе компаниясының Caravelle ұшағы
Түрі	жолаушы ұшағы
Өндірушісі	Sud Aviation
Мемлекеті	Франция
Алғашқы ұшуы	1955 жылы 27 мамыр
Қолданысқа енгізілуі	1959 жыл 6 мамыр
Caravelle Ортаққорда

Ұшақтың алғашқы ұшуы 1955 жылы 27 мамырда болды. Бұл әлемдегі алғашқы реактивті жолаушы ұшақтарының бірі және қозғалтқышы ұшақтың артқы бөлігінде оранласқан әлемдегі бірінші ұшақ. Ұшақ Франция президенттерінің қосалқы борты ретінде қолданылған (шетелдік іс-сапарларға қолданылған).

Ұшақты тексеру жұмыстары кезіндегі аға ұшқыш-сынаушы Андрэ Моине болды.

Аэродинамикалық сызбасы

• қозғалтқышы құйрық бөлікте орналасқан екі моторлы турбореактивті төмен планерлі, оқ тәрізді қанаты мен бір кильді вертикальді жазықтығы бар ұшақ.

Ұшақтың келесі модельдері жасалынған:

• Каравелла I — 19 дана
• Каравелла IA — 13 дана
• Каравелла III — 78 дана
• Каравелла VI — N және R модификацияларынан 109 дана
• Каравелла 10B (Суперкаравелла) — 22 дана
• Каравелла 11К — 6 дана
• Каравелла 12 — 12 дана

Барлығы әр тұрлі нұсқалардағы 280 ұшақ өндірілді.

1996 жылы шамамен 20 ұшақ қолданыста болды.

Нұсқалары

Ұшақтың үшбұрышты терезелері бүкіл өндіріс барысында өзгеріске ұшырамады

Lopez деректері

Нұсқа	Ұзындығы	Қозғалтқыш	Жолаушылар
Каравелла I	32.01 м	RA-29 Mk.522	80
Каравелла IA	32.01 м	RA-29 Mk.522A	80
Каравелла III	32.01 м	RA-29 Mk.527 және 527B	80
Каравелла VI-N	32.01 м	RA-29 Mk.531 және 531B	80
Каравелла VI-R	32.01 м	RA-29 Mk.533R	80
Каравелла 10R	32.01 м	P&W JT8D-7	80
Каравелла 11R	32.71 м	P&W JT8D-7	89-99
Каравелла 10B	33.01 м	P&W JT8D-7	105
Каравелла 12	36.24 м	P&W JT8D-9	140

Каравелла I

Прототиптерге ұқсас келді. Алғашқы ұшуы 1958 жылы 14 мамырда болып өтті. Бұл нұсқа тарту күші 4763 кГ болатын екі Rolls-Royce RA-29 Avon Mk.522 қозғалтқыштарымен жабдықталды және 80 жолаушы тасымалдауға арналды. Француздық ұшу сертификаты 1959 жылы 2 сәуірде берілді, ал ФАӘ (FAA) сертификаты 6 күннен кейін берілді. Эйр Франс әуе компаниясының ұшағының ең алғаш рейсі осы жылы Париж-Рим-Афины-Ыстамбұл бағытында жасалды. 1959 жылы 27 шілдеде Эйр Франстың Каравелла F-BHRB "Лотарингия" ұшағы Париж-Лондон бағытына енгізілді.

Барлығы 20 ұшақ сатылды: Эйр Франс (10), SAS (6), Эйр Алжир (2) және VARIG (2). VARIG компаниясының бір ұшағы Air Vietnam және Middle East Airlines компанияларына жалға берілген, кейінрек бұл ұшақ Royal Air Maroc компаниясына берілді.

Каравелла IA

Сыртқы келбеті I нұсқасына ұқсас болғанымен, ұшақ жақсартылған Rolls-Royce Avon RA-29/1 Mk.526 қозғалтықышымен жабдықталды. Алғашқы ұшуы 1960 жылы 11 ақпанда болды. Барлығы 12 дана өндірілді. Олар Air France, SAS, Air Algérie, Finnair, және Royal Air Maroc әуе компанияларына тапсырылды. I және IA нұсқаларының ұшақтары кейінрек III нұсқасына дейін жақсартылды.

Каравелла 11R

Соңғы Каравеллалардың бірі. Ұшақ Air Inter әуе компаниясында қолданыста болды

Тағы қараңыз

• Sud Aviation
• Aérospatiale
• FMA I.Ae. 36 Cóndor
• Avro Jetliner
• de Havilland Comet
• Ту-104