Абай ауданы (Шымкент)

Абай ауданы
	Қала ішіндегі аудан
	Абай ауданы
Әкімшілігі
Қаласы	Шымкент
Әкімі	Шәкір Асылханұлы Сұлтанхан
Аудан әкімдігінің мекенжайы	Шымкент қаласы, Тәуке хан даңғылы, №3
Тарихы мен географиясы
Құрылған уақыты	1973 жыл
Жер аумағы	497,04 км²
Уақыт белдеуі	UTC+5:00
Тұрғындары
Тұрғыны	345 761 адам (2023)
Ұлттық құрамы	қазақтар (71,16%), өзбектер (17,93%), орыстар (5,16%), әзербайжандар (3,07%), басқалары (2,68%)
Сандық идентификаторлары
Телефон коды	+7 7252
Автомобиль коды	17
	Абай ауданы әкімінің аппараты

Абай ауданы — Шымкент қаласының әкімшілік-аумақтық бірлігі. 1973 жылдың 10 сәуірінде құрылып, 1996 жылы таратылған. 2005 жылы қайта қалпына келтірілген. Жер аумағы - 497,04 км². Халық саны - 345 761 адам (2023)^[2].

Шекарасы

Абай ауданы Шымкент қаласының солтүстік-батыс бөлігінде орналасқан. Абай ауданының шығыс бөлігі Қаратау ауданымен шектеседі. Оңтүстік-батыс бөлігі Тұран ауданымен шектеседі.

Шекара Шымкент қаласының солтүстік-батыс бөлігінен басталып, қаланың солтүстік шекарасымен магистральдық жолдан бастап Түркістан қаласы бағытында, ұзақтығы 10600 метр, Бәйдібек би даңғылының қиылысына (Түркістан облысы Бәйдібек ауданы Шаян ауылына бағыт) дейін жетеді.

Одан әрі Бәйдібек би даңғылымен оңтүстік бағытта, ұзақтығы 10600 метр, "Бозарық-3", "Бозарық", "Тұран", "Шымкент Сити", "Қайтпас-1", "Нұрсәт" шағын аудандарының бойымен бұрылып, Ұ.Арғынбеков көшесінің қиылысына дейін жетеді.

Одан әрі Ұ.Арғынбеков көшесімен батыс бағытқа бұрылып, ұзақтығы 1440 метр, Қ.Қазиев көшесінің қиылысына дейін жетеді.

Қ.Қазиев көшесімен оңтүстік бағытқа бұрылып, ұзақтығы 850 метр, "Самал-2" шағын ауданының бойымен О.Малқаров көшесінің қиылысына дейін жетеді.

Одан әрі О.Малқаров көшесімен батыс бағытқа бұрылып, ұзақтығы 1350 метр, Қошқар ата өзенінің қиылысына дейін жетеді.

Одан әрі Қошқар ата өзенінің бойымен оңтүстік-батыс бағытқа бұрылып, ұзақтығы 2500 метр, солтүстікке қарай "Самал" базарын, "Қатынкөпір" шағын ауданын, мұсылман зиратын айналып өтіп, "Агропром" шағын ауданының бойымен Әл-Фараби көшесінің қиылысына дейін жетеді.

Әл-Фараби көшесімен оңтүстік-шығыс бағытқа бұрылып, ұзақтығы 1300 метр, Темірлан тас жолының қиылысына дейін жетеді.

Темірлан тас жолы бойымен батыс бағытқа бұрылып, ұзақтығы 240 метр, Н.Табынбаев көшесінің қиылысына дейін жетеді.

Н.Табынбаев көшесімен оңтүстік-батыс бағытқа бұрылып, ұзақтығы 1120 метр, Ю.Гагарин көшесінің қиылысына дейін жетеді.

Одан әрі Ю.Гагарин көшесімен батыс бағытқа бұрылып, ұзақтығы 390 метр, "Қорғасын-1" және "Қорғасын-2" шағын аудандары бойымен К.Әсілбеков көшесінің қиылысына дейін жетеді.

К.Әсілбеков көшесімен оңтүстік бағытқа бұрылып, ұзақтығы 2100 метр, мұсылман зиратын айналып, темір жол бойымен Бадам өзенінің арнасына шыға отырып, Шардара көшесіне дейін жетеді.

Бадам өзені арнасының осі бойымен солтүстік-батыс бағытқа бұрылып, ұзақтығы 18300 метр, "Қорғасын-2" шағын ауданын, "Игілік" тұрғын алабын, "Жаңаталап" тұрғын алабының солтүстігінен айналып өтіп, Бадам өзенімен Жанкелді батыр көшесіне, одан әрі Үргінбай ата көшесінің қиылысына шыға отырып, жетеді.

Одан әрі қаланың солтүстік-батыс шекарасымен, ұзақтығы 30000 метр, "Алтынтөбе" тұрғын алабының солтүстігін айналып өтіп, Темірлан тас жолын Түркістан қаласына бағытпен кесіп өтеді, одан әрі қазіргі шекара бойымен Түркістан облысының Шұбарсу ауылына бағытпен трассаны қиып өтіп, Түркістан қаласына бағытпен трассаға дейін шығады.

Әкімдері

Тұрабаев Жарылқасын Тұрабайұлы
Табылдиев Көктембек Өктембекұлы
Әжібеков Кәміл Бахтиярұлы
Әлзақов Берік Исабекұлы
Байғонов Жамбыл Шырақбайұлы
Татыбаев Ахмет Өтегенұлы
Парманов Бұхарбай Рысқұлұлы
Төлепов Ғалымжан Әнуарбекұлы
Бұхарбай Рысқұлұлы Парманов
Сұлтанхан Шәкір Асылханұлы (01.07.2024 - қазіргі уақытқа дейін)

Дереккөздер

[1] Қазақстан Республикасы халқының жекелеген этностары бойынша саны (2022 жыл басына)

[2] Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға) Мұрағатталған 5 наурыздың 2023 жылы.

[2]

[1]