Абақ Сайымбелекұлы

Абақ Сайымбелекұлы (шамамен 1790-1856) - Жетісу өңіріндегі атақты билердің бірі. Көптеген дау-дамайларға төрелік айтып, елдің тыныштығы мен жердің тұтастығын орнықтыруға үлкен үлес қосқан. Ұлы жүз қазақтарының Ресей қол астына кіру туралы өтінішіне қол қойған би-сұлтандардың тобында Абақ албан руының биі ретінде аталады. 1851 ж. Іле өзенінен өткен орыс экспедициясына Мүсірәлі, Шорман билермен бірге Абақ та жердем берген. Қазақтың ұлы ғалымы Ш.Уәлиханов 1856 ж. жазбаларының бірінде Абақтың қайтыс болғаны жайында дерек келтіреді. Әйгілі Құланаян Құлмамбет кырғыз Шәбден манапқа айтқан сөзінде: "Албанда о да өткен Абақ, Жайнақ, Өтіпті Сайымбөлек сан жылқы айдап" деп жырлаған. Абақ бидің есімі айт руының ұранына айналған.