Иван Павлович Авдеев

Авдеев Иван Павлович (1910, Ресей, Белгород облысы Прохоров ауданы - 15.3.1978, Алматы облысы Еңбекшіқазақ ауданы Белек а.) - екінші дүниежүзілік соғысқа қатысушы, пулеметші, қатардагы гвардия жауынгері. Орыс. 1930- 32 ж. Кеңес әскері қатарында әскери борышын өтеген. 1941- 45 ж. 3-Украина майданы 4- гвардиялық армия 34-гвардиялық атқыштар дивизиясы 107- гвардиялық атқыштар полкі құрамында Ұлы Отан соғысына қатысқан. 1945 жылдың қаңтарында Банхида ст. (Венгрия) маңында болтан шайқаста айрықша ерлік көрсетіп, жаудың 20 әскері мен офицерін жойды. Көрсеткен ерлігі үшін Авдеевке КСРО Жоғары Кеңесі Төралқасының Жарлығымен Кеңес Одағының Батыры атағы берілді (29.6.1945). 1965 жылдан Қазақстанда тұрып, кеңшарда жұмыс істеген. Ленин орденімен, көптеген медальдармен марапатталған.