Александр Михайлович Ращупкин

Александр Михайлович Ращупкин(1906, Ақмола қаласы (қазіргі Астана қаласы) - 1958, Алматы қаласы) - 2-дүниежүзілік соғысқа қатысушы, қатардағы жауынгер, қол пулеметінің нысанашысы. 1930 жылы Ращупкиннің отбасы Алматы қаласына көшіп келді. Мұнда ол құрылыста жұмыс істеді. 1941 жылдан Кеңес әскерінің қатарында болды. 3- Беларусь майданы 31-армия 352-атқыштар дивизиясының 1160-атқыштар полкінде пулеметші болды. 1944 жылдың шілдесінде Витебск облысындағы Орша қаласын жаудан азат ету және Минск облысындағы Берзи өзенінен өту кезінде болған кескілескен ұрыста ерлік көрсетті. Осы ерліктері үшін Ращупкинге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945). Соғыстан кейін Алматы қаласында тұрды.