Алымжан Илимұлы Айсаев

Алымжан Илимұлы Айсаев. 1946 жылы 25 желтоқсанда ҚХР-да туған. Ұйғыр.

Әкесі - Айсаев Илим Ибрагимұлы (1922-1997), жұмысшы болған. Анасы - Айсаева Рихан, зейнеткер, жұмысшы болған.

Қ. Қожамияров атындағы Мемлекеттік республикалық ұйғыр музыкалық комедия театры жанындағы актерлік шеберліктің 2 жылдық студиясын бітірген (1966), театр актері.

1966 жылдан бері - Қ. Қожамияров атындағы Мемлекеттік республикалық ұйғыр музыкалық комедия театрының актері.

Қ. Қожамияров атындағы Мемлекеттік республикалық ұйғыр музыкалық комедия театрының Көркемдік кеңесінің мүшесі.

Қазақстанның Еңбек сіңірген қайраткері (2004). «Қазақстан Республикасының тәуелсіздігіне 10 жыл» медалімен марапатталған (2001).

Үздік ер рөлі үшін «Арт Орда» халықаралық байқауының дипломына ие (Бішкек, 2006).

Қазақстанның болашағы туралы болжамы - «Қазақстанның жарқын болашағына, оның одан әрі өркендейтініне сенемін». Хоббиі - поэзия, музыка. Сүйіп оқитын әдебиеті - тарихи шығармалар.

Үйленген. Жұбайы - Ілиясова Әмина Әбдірайымқызы, экономист. Қыздары - Гүлнар (1970 жылы туған), Венера (1975 жылы туған), Санам (1984 жылы туған). 7 немересі бар.