Амангелді Әбдішұлы Мұсабеков

Амангелді Әбдішұлы Мұсабеков - 1948 жылы 10 сәуірде Қарағанды облысы Қарқаралы ауданының Қарқаралы ауылында туған. Қазақ.

Қарағанды педагогикалық институтының дене шынықтыру факультетін бітірген (1979), дене тәрбиесі пәнінің оқытушысы.

• 1965 жылдан - Қарағанды машина жасау зауытының құрастырушысы.
• 1966 жылдан - Қарағанды дене шынықтыру техникумының жаттықтырушысы.
• 1969 жылдан - «Динамо» БЕСҚ Кеңесінің Қарағанды облыстық еркін күрестен жаттықтырушысы.
• 1970 жылдан - Кеңес Әскерінің қатарында қызметте.
• 1972 жылдан - №3 Қарағанды мектеп-интернатының жаттықтырушы-оқытушысы.
• 1982 жылдан - Қарағанды облыстық жоғары спорт шеберлігі мектебінің еркін күрестен жаттықтырушысы.
• 1987 жылдан - Қарағанды спорт кәсіптік мектеп-интернатының жаттықтырушысы.
• 1991 жылдан - «Құра» дүкенінің сатушысы.
• 1998 жылдан - Қарағанды облыстық Ақбастау орта мектебінің директоры.
• 2003 жылдан - №1 БЖСМ еркін күрестен жаттықтырушысы (Орал қаласы).
• 2004 жылдан - №3 БЖСМ еркін күрестен жаттықтырушысы.
• 2008 жылдан бері - Шымкент қаласындағы №1 БЖСМ еркін күрестен жаттықтырушы. ҚазКСР 5 мәрте чемпионы (1967-1971); жастар арасындағы КСРО біріншілігінің қола жүлдегері (1968).

Әлем чемпиондары - С. Алшымбаевты, А. Жандаровты, КСРО кубогының жеңімпазы М. Маяузовты тәрбиелеген. Еркін күрестен КСРО спорт шебері (1967). ҚазКСР Еңбек сіңірген жаттықтырушысы (1982).

Әкесі - Мұсабеков Әбдіш, марқұм, орта мектептің мүғалімі болған. Анасы - Манамбаева Мәкен Қабайқызы, марқұм, үй шаруасымен айналысқан. Үйленген. Жұбайы - Ахметжанова Нұрбике Ағзымқызы, орыс тілі мен әдебиеті пәні мұғалімі. Ұлдары - Мұсабеков Есен (1972 ж. т.), кәсіпкер; Мұсабеков Ержан (1974 ж. т.), кәсіпкер; қызы - Мұсабекова Ботагөз (1976 ж. т.), кәсіпкер.