Амантұрлы қожалақ тамы

Амантұрлы қожалақ тамы^[1] – сәулет өнері ескерткіші. 19 ғасырдың аяқ кезінде Үстірт төскейінің оңтүстік-батыс шетін ала, Қарақалпақстанмен шектес жерге салынған. Жарқұдық (ескі заманнан белгілі жайлау құдықтарының бірі) деген жерде. Қабырғасының ішкі беті оюмен әшекейленген, бір бағанасы оюлы, екінші бағанасы оюсыз болып келген. Мазар салуда сирек кездесетін мұндай әдіс өзінше бір әдемілік түр ретінде қолданылған. Бірақ тасқа салған оюы ағаш оюына ұқсайды. Оюды сызық техникасымен түсіріп, кәдімгі зауыт бояуларымен бояуы, ішкі қабырғаларына қару-жарақ пен үй жабдықтарының суреттерін салуы жаңалық болып табылады. Амантұрлы қожалақ тамының сыртқы беттері де оюлы. Терезелерінің айналасын оюмен әшекейлеп, оған есік секілді түр берген. Тамның осы ерекшеліктері оны басқа ескерткіштерден оқшауландырып тұрады.

Дереккөздер

↑ «Қазақ өнері» энциклопедиясы, Алматы, 2002;

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] «Қазақ өнері» энциклопедиясы, Алматы, 2002;

[1]