Аманхан Ибраев

Аманхан Ибраев (1941 ж. т., Түрікменстан, Красноводск ауданы) – кеңес қызметкері. Семей қаржы-экономикалық техникумын бітірген. 1961 – 66 ж. Красноводск ауданы автобазасында диспетчер, Жетібай автобазасында аға экономист. 1967 – 88 ж. автобаза бастығының экономика жөніндегі орынбасары, Жетібай автокөлік кәсіпорнының директоры, халық депутаттары кеңесі атқару комитеттінің төрағасы, 1988 – 97 ж. облысы өндірістік автокөлік бірлестігі бастығының экономика жөніндегі орынбасары, 1997 – 2001 ж. «Кәсіпорындарды қайта құру және тарату агенттігі» АҚ облыс бойынша директордың орынбасары, бөлім бастығы болды. Еңбек Қызыл Ту орденімен (1976), «В.И. Лениннің туғанына 100 жыл» медалімен (1970), Құрмет грамотасымен (1973, 1976) марапатталған.