Анар Мұратқызы Фазылжанова
Анар Мұратқызы Фазылжанова — қазақстандық ғалым, филолог, Ахмет Байтұрсынұлы атындағы Тіл білімі институтының директоры[1][2].
| Анар Мұратқызы Фазылжанова | |
| Туған күні | |
|---|---|
| Туған жері | |
| Жұмыс орны |
Ахмет Байтұрсынұлы атындағы Тіл білімі институтының директоры |
| Ғылыми дәрежесі |
филология ғылымдарының кандидаты |
Өмірбаяны өңдеу
Анар Мұратқызы Фазылжанова 1974 жылы Алматы облысы Ақсу ауданы Жансүгір кентінде дүниеге келген.
1980 жылы Ақсу ауданы Қаракөз кеңшарының Қызылорақ орта мектебінің бірінші сыныбына қабылданып, 1991 жылы орта мектепті Жансүгір кентіндегі қазіргі Ж.Сыдықов атындағы орта мектепті «Алтын медальмен» бітірген.
Талдықорған қаласындағы Ілияс Жансүгіров атындағы Жетісу мемлекеттік университетінің Филология факультетіне Қазақ мектептеріндегі орыс тілі мен әдебиеті, қосымша тарих мамандығы бойынша оқуға түсіп, 1996 жылы оқу орнын аяқтап шықты.
1996 -1999 жылдар арасында Ұлттық ғылым академиясының Ахмет Байтұрсынұлы атындағы Тіл білімі институтының жанындағы аспирантураның күндізгі бөлімінде оқиды.
2000 жылдың мамырында З.М.Базарбаеваның ғылыми жетекшілігімен «Қазақ тіліндегі қосқұрамды құрмалас сөйлем интонациясы (эксперименттік-фонетикалық зерттеу)» атты тақырыпта кандидаттық диссертациясын 10.02.02 – қазақ тілі мамандығы бойынша қорғап шықты.
Әр жылдары А.Байтұрсынұлы атындағы Тіл білімі институтында ғылыми қызметкер, кіші ғылыми қызметкер, аға ғылыми қызметкер болып жұмыс істеген.
2001-2003 жылдар аралығында Абай атындағы Қазақ ұлттық педагогикалық университетінде Қазіргі қазақ тілі мен әдістемесі теориясы кафедрасында оқытушы болып жұмыс істеді.
2004 жылдан 2008 жылдар аралығында Институттың ғалым хатшысы лауазымын атқарды.
2011-2018 жылдары директордың ғылым жөніндегі орынбасары қызметін атқарды.
2018 жылғы тамыз айынан бастап Ш. Шаяхметов атындағы «Тіл-Қазына» ғылыми-практикалық орталығының ғалым хатшысы.
2020 жылы маусым айынан бастап ҚР БҒМ ҒК Ахмет Байтұрсынұлы атындағы Тіл білімі институтының директоры лауазымына тағайындалды.
Осы уақытта қазіргі қазақ тілінің фонетикасы, морфологиясы, синтаксисі, сондай-ақ Паралингвистика, Компьютерлік лингвистика сияқты курстардан дәріс оқып, семинар сабақтар жүргізді, қазақ филологиясы магистранттарына арналған «Компьютерлік лингвистика», «Паралингвистика», студенттеріне арналған «Морфология» курстары бойынша типтік және жұмыс бағдарламаларын әзірледі.
10-сыныпқа арналған қазақ тілінің оқу құралдарының авторы, орфоэпиялық анықтағыш пен екітілді және нормативтік сөздіктерді құрастырушылардың бірі. Ғалым 3 оқу құралының, 1 анықтамалықтың, 200-ден астам ғылыми мақаланың авторы.
Ғылыми еңбектері мен шығармашылығы өңдеу
Марапаттары мен мемлекеттік наградалары өңдеу
- 1999-2002 жылдары жас ғалымдарға арналған ҚР Президентінің стипендиаты,
- 2007 жылы М.Әуезов атындағы талантты жас ғалымдарға арналған мемлекеттік сыйлықтың иегері,
- 2008 жылы ҚР Тұңғыш Президенті қорының Ғылым мен техника саласындағы премиясының лауреаты.