Андрей Евгеньевич Чеботарев

Андрей Евгеньевич Чеботарев

1972 жылы 1 қарашада Алматы қаласында туған. Орыс.

Әкесі - Чеботарев Евгений Васильевич, зейнеткер, баскетбол бойынша жаттықтырушы, дене шынықтыру пәнінің оқытушысы болған. Анасы - Паневина Светлана Васильевна, баскетбол бойынша жаттықтырушы.

Әл-Фараби атындағы Қазақ ұлттық университетінің философия және саясаттану факультетін бітірген (1998), саясаттанушы, саясаттану пәнінің оқытушысы. Саясаттануғылымдарыныңкандидаты (2008). Кандидаттық диссертациясының тақырыбы: «Оппозиция саяси жүйенің институты ретінде (Қазақстан Республикасы мысалында)». «Қазақстанның саясаттану энциклопедиясы» (Алматы, 1998); «Қазақстанның ұлттық қауіпсіздігі: қатерлер иерархиясы» (Алматы, 2000), «Қазақстандағы саяси тәуекелдің деңгейі» (Алматы, 2000), «Орталық Азиядағы соғыс-саяси шиеленістері» (Алматы, 2000), «Политические элиты Центральной Азии» (Тель-Авив, 2001), «Қазақстанның саяси партиялары. 2004 жыл» (Алматы, 2004); «2004 жылдың парламенттік сайлау нәтижесі: статистика және анализ» (Алматы, 2005); «Қазақстан Республикасының қоғамдық-саяси дамуының көкейкесті мәселелері (2002-2006 жылдары)» (Алматы, 2006), «Басқару элитасының ауысуы контекстіндегі Қазақстан Республикасының саяси трансформациясы» (Алматы, 2009), «Қазақстан: қоғам мен мемлекеттің дамуы туралы жылдық есеп. 2009 жыл» (Алматы, 2010) кітаптарының біріккен авторы; «Қазақстандағы саяси ғылымның дамуының көкейкесті мәселелері» (Алматы, 2009), «Қазақстан саясаттанушыларының II Конгрессі. Құжаттар мен материалдар жинағы» (Алматы, 2009) жинақтарының редакторы; қазақстандық және шетел мерзімді баспасөздері және ғылыми басылымдар мен жинақ- тарындағы 1000 астам мақалалардың авторы.

1991 жылдың қыркүйек айынан 1993 жылдың шілде айына дейін - ҚР Әділет министрлігінің Соттық сараптама институтының көліктік-трасологиялық сараптама бөлімінің лаборанты. 1994 жылдың наурыз айынан 1995 жылдың наурыз айына дейін - ҚР Жоғарғы Кеңес депутатының көмекшісі. 1997 жылдың қаңтар айынан шілде айына дейін - «Демократияға жәрдемдесу орталығы» мемлекеттік емес мекеменің ақпараттық және кеңес беру бөлімінің меңгерушісі. 1997 жылдың қараша айынан - «Демократия институты» мемлекеттік емес Ғылыми-зерттеу ассоциациясының бағдаламалар директоры. 1998 жылдың шілде айынан 1999 жылдың наурыз айына дейін - Алматы қалалық ақпарат және қоғамдық келісім басқармасының қоғамдық бірлестіктермен жұмыс және жастар саясаты бөлімінің жетекші маманы, қоғамдық-саяси жұмысты талдау және үйлестіру бөлімінің бас маманы. 1998 жылдың қазан айынан 1999 жылдың желтоқсан айына дейін - «Политон» тәуелсіз ақпараттық агенттігінің талдаушысы. 2000 жылдың сәуір айынан 2001 жылдың ақпан айына дейін - Орта-азиялық саяси зерттеулер агенттігініңсаяси талдау қызметінің жетекшісі. 2001 жылдың наурыз айынан - «Транспаренси Қазақстан» ақпараттық-талдамалық қоғамдық қорының «Сыбайлас жемқорлықсыз - қоғамға» журналының кеңесші-саясаттанушысы, бас редакторы. 2004 жылдың наурыз айынан - ұлттық зерттемелер Институтының жобалар бойынша үйлестірушісі.

2006 жылдың қыркүйек айынан бері - «Альтернатива»

Көкейкесті зерттемелер орталығының директоры.

Қазақстанның Республикалық халық партиясының Атқарушы комитетінің мүшесі (1999-2002).

«Қазақстанның құқықтық дамуы» қоғамдық бірлестіктің жауапты хатшысы (1994-1997). «Әріптестік - қоғамдық өзгерістерге демеушілікке» қоғамдық бірлестіктің төрағасы (1997-1999).

«Сорос-Қазақстан» қорының Қамқорлық кеңесінің мүшесі (2010 жылдан).

«Сорос-Қазақстан» қорының «XXI ғасыр журналистері» конкурсының 1-ші сыйлығының (1997); «ҚазТрансОйн» ұлттық компаниясы және «Комсомольская правда в Казахстане» газетінің «Өткен шақты мақтаныш тұтамыз, болашақты тудырамыз» журналистік жұмыстар конкурсының 3-ші сыйлығының лауреаты (2005).

Діни көзқарасы

Діни көзқарасы - православиелік.

Қазақстанның болашағы туралы болжамы

Қазақстанның болашағы туралы болжамы - «Қазақстанның біртіндеп демократиялануы, шамасы, назарбаевтан кейінгі дәуірде, ҚР бірінші Президентінің мирасқоры кезінде басталады».

Хоббиі

Хоббиі - фильмдер көру, кітап оқу, музыка.

Үй жағдайы

Үйленген. Жұбайы - Чеботарева Наталия Викторовнп Алматы қаласы «KAZNEX INVEST» экспорт және инвестиция бойынша ұлттық агенттігі» АҚ өкілеттігінің директоры Ұлы - Никита.