Андрей Николаевич Шевченко

	Андрей Шевченко
Жалпы мағлұмат
Толық аты	Андрей Николаевич Шевченко
Лақап аттары	Шева, Царь, Шығыстың сайтаны
Туған күні	29 қыркүйек 1976 (48 жас)
Туған жері	Киев облысы, УКСР
Азаматтығы	КСРО → Украина
Бойы	183 см
Салмағы	72 кг
Позиция	шабуылдаушы
Қызметі	бас бапкер
Жастар клубы
Жастар клубы
1986—1993	Динамо (Киев)
Клуб карьерасы
Ұлттық құрамы
Бапкерлік карьерасы
2016—2021	Украина
2021	Дженоа
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Андрей Шевченко (укр. Андрій Миколайович Шевченко; 29 қыркүйек 1976 жыл, Дворковщина, Киев облысы) — украин футболшысы, шабуылшы, жаттықтырушы. Италия чемпионы атанып, Еуропаның ең үздік ойыншысына берілетін «Алтын доп» жүлдесіне ие болған. 2016-21 жылдары Украина Ұлттық футбол құрамасының бас бапкері болды.

Карьерасы

Клубтық

1986 жылы "Динамо" (Киев) академиясына қабылданды. 1990 жылы Иан Раш кубогының балалар турнирінде ойнап, үздік мерген атанды. Украина тұңғыш рет Шевченконың есімін осылай естіді. 1993 жылға дейін осындай бірнеше турнирде топ жарып, болашағынан үлкен үміт күттірген Андрейдің "Динамо" сапында дебюті 1994 жылы 8 қарашада өтті, "Динамо" - "Шахтер Донецк" кездесуінде алаңға шықты. Сол жылы 1 желтоқсанда "Днипроның" қақпасына бірінші голын соқты.

1995/96 жылғы маусымда 16, 1996/97 жылғы маусымда алты гол соқты.

1997/98 жылғы маусымда УЕФА Чемпиондар лигасында "Барселонаның" қақпасына хет-трик жасады, бұл ойында "Динамо" 4:0 есебімен жеңіске жетті. Ал 1998/99 жылы Украина чемпионаты мен Чемпиондар лигасының үздік мергені атанды. Ал 1995-99 жылдары қатарынан бес рет Украина чемпионы атанды.

1999 жылы мамыр айында 25 миллион доллар бағаға "Миланға" ауысты. 21 тамыз күні Италия суперкубогында "Пармаға" қарсы ойында тұңғыш рет "Милан" сапында алаңға шықты. Бір аптадан соң А сериясындағы тұңғыш ойынын "Леччеге" қарсы өткізіп, "Милан" сапындағы тұңғыш голын да осы кездесуде соқты. Алғашқы маусымда-ақ 24 голмен Италия чемпионатының үздік мергені атанды. Дәл осы көрсеткішін 2000/01 жылғы маусымда да қайталады, бірақ мергенде көшінде Эрнан Кресподан кейін екінші орында қап қойды (Креспо 26 гол соқты).

2002/03 жылғы маусым Шевченко үшін сәтті болды. Маусымның біраз бөлігін жарақатының кесірінен өткізіп алғанымен, Чемпиондар лигасының қаһарманы атанды, Украин футболшылары арасында бірінші боп осы турнир жеңімпазы атанды. Жыл соңында "Алтын доппен", 2004 жылы "Украина қаһарманы" деген атақпен марапатталды.

2006 жылғы әлем чемпионатынан соң "Челсиге" ауысты. Бірақ "Челси" сапында көпшілік күткен ойынды көрсете алмады, жасы отыздан асып қалған футболшы жиі жарақаттана беріп, алаңға аз шықты, гол соғуы тіпті сиреп кетті. 2008 жылы жазда "Миланға" қайта оралды, бірақ түпкілікті емес, жалға берілді. Бұл жолы оған 76-нөмірлі жейде берілді, бұрынғы 7-нөмірлі жейде бос емес еді (Алешандро Пату иеленіп алған).

"Милан" сапындағы бір маусым көңілдегідей болмады, чемпионатта үш гол ғана соқты. 2009 жылы командадан кетті. "Челсиге" қайта келді, бірақ лондондық клуб та, келісім шартты созғысы келмей, өзінің "Динамосына" қайта оралды.

2012 жылы карьерасын аяқтады.

Ұлттық құрама

Ұлттық құрама сапында 1995 жылы тұңғыш рет алаңға шықты.

2006 жылғы әлем чемпионатында екі доптың авторы атанды. Бірін топтық кезеңнің екінші турыда Сауд Арабиясының қақпасына енгізді (4:0). Екінші голды соңғы турда Тунистің қақпасына пенальтиден соқты. Бұл ойында Украина 1:0 есебімен жеңіске жетті.

2012 жылғы Еуропа чемпионатында Швецияның қақпасына екі гол соғып, құрамаға жеңіс әперді — 2:1. Бірақ Украина топтан шыға алмады.

Бапкерлік

2016 жылы маусым айында Украина Ұлттық футбол құрамасының бас бапкері боп тағайындалды. ЕУРО-2020 турнирінде құрама ширек финалға дейін жетті.

Жеке өмірі

Әкесі — Николай Григорьевич Шевченко,әскери қызметкер
Анасы — Любовь Николаевна Шевченко.
Әпкесі — Елена (д. Шевченко).
Әйелі — Кристен Пазик (11 тамыз 1978, Миннеаполис, США) — модель,
- Ұлы — Джордан Шевченко (2004),
- Ұлы — Кристиан Шевченко (2006),
- Ұлы — Александр Шевченко (2012),
- Ұлы — Райдер-Габриэль Шевченко (2014).
ағасы — Владимир Шевченко.

Жетістіктері

Клубтық

«Динамо» (Киев)

Украина чемпионы (5): 1994/95, 1995/96, 1996/97, 1997/98, 1998/99
Украина кубогы (3): 1995/96, 1997/98, 1998/99
Украина суперкубогы: 2011

«Милан»

Италия чемпионы: 2003/04
Италия кубогы: 2002/03
Италия суперкубогы: 2004
Чемпиондар Лигасы: 2002/03
УЕФА Суперкубогы: 2003

«Челси»

Англия кубогы: 2006/07
Лига кубогы: 2006/07
Англия суперкубогы: 2009

Жеке

"Алтын доп" иесі: 2004
Украина чемпионатының үздік мергені: 1999
Италия чемпионатының үздік мергені (2): 2000, 2004
Чемпиондар лигасының үздік мергені (3): 1999, 2001, 2006
Милан дербиінің үздік мергені (14 гол)
УЕФА Чемпиондар лигасының үздік мергені: 1999
Жыл командасы (УЕФА) (2): 2004, 2005
Италияның үздік легионері: 2000
Украинадағы жыл футболшысы (6): 1997, 1999, 2000, 2001, 2004, 2005
Golden Foot жүлдесі: 2005
ФИФА 100
Украинадағы жыл спортшысы: 1999
Киевтің құрметті азаматы
Украинаның спорт шебері (2003)

Дереккөздер

↑ УФФ мәліметі бойынша — 48.

Сілтемелер

Профилі (ағыл.)
Бейресми сайты
Үздік голдары Мұрағатталған 25 сәуірдің 2009 жылы.
Статистиксы
Интервью
Лебединая песня Андрея Шевченко

[club-2] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-3] Ресми матчтарда ұлттық құрамда болған ойындары мен голдар саны.

[1] УФФ мәліметі бойынша — 48.

[* 1]

[* 2]

[1]