Анета Шәріпқызы Баетова

Анета Шәріпқызы Баетова 1953 жылы 5 наурызда Орал облысы Орда ауданы Орда кеңшарында туған. Қазақ. Әкесі - Сиранов Шарап, марқұм, Бөкей мұражайының директоры болған. Анасы - Әлікпаева Дина, марқұм, мұғалім болған. М. Әуезов атындағы Қазақ мемлекеттік академиялық драма театрының жанындағы актерлік факультетті бітірген (1974), актриса. Жеңістің 60 жылдығына арналған сценарийдің, сонымен қатар «Күркіреп күндей өтті ғой соғыс», «Тағдыр» мақалаларының авторы. Қазақ және орыс тілдерін біледі. 1969 жылдан бері - Махамбет атындағы Гурьев облыстық Қазақ драма театрында актриса (қазіргі - Махамбет атындағы Атырау облыстық Қазақ драма театры). «Шағала» (Нина Заречная), «Болашаққа аманат» (Торғын), «Қорқыт» (Халуа Бегім), «Мөлдір махаббат» (Есектас), «Келіндер көтермесі сатты», «Асауға тусау» (Биянка), «Шайын қатын» (Сәния), «Махамбет» (Фатима), «Шығыстағы бір Бейбақ» (Фусако), «Адам Ата - Хауа Ана» (Шайтан), «Жаралы Жолбарыс» (Ханша), «Ата парызы» (Шешесі) қойылымдарындағы рөлдерде ойнайды. «Мәңгі алау» Халықаралық фестивалінің лауреаты (II орын). Қазақстан Республикасының Еңбек сіңірген әртісі. Саяси қайраткер ретіндегі идеалы - В.И. Ленин, Н.Ә. Назарбаев. Қазақстанның болашағы туралы болжамы - «Әлемнің ең алдыңғы қатарлы республикасы». Хоббиі - теледидар. Сүйіп оқитын әдебиеті - сценарийлер. Тұрмыс құрған. Жұбайы - Доғалақов Нұрлан, дыбыс режиссері. Қызы - Доғалақова Шынар; ұлы - Доғалақов Аймәди.