Ануак

Ануак (аньивае, жоанива (өз аты), ямбо, нуро (эфиоп.)) — Луо тобындағы нилот халқы Эфиопияның солтүстігінде (Акобо және Гило өзенінің жағалауы) және Суданда (Акобо өзенінің сол жағалауынан Пибор өзеніне дейін). Жалпы саны 98 мың адам, оның 46 мыңы Эфиопияда, негізінен Гамбела аймағында, 52 мыңы Оңтүстік Суданда тұрады.

Ануак
аньивае, жоанива, ямбо, нуро
Бүкіл халықтың саны
98 000
Ең көп таралған аймақтар
Эфиопия	46 000
Судан	52 000
Тілдері
ануак тілі
Діні
дәстүрлі нанымдар, христиандық

Тілі

Ануак тілінде сөйлейді. Қостілділік кең таралған: Оңтүстік Судан халықтары қарым-қатынас тілі ретінде араб тілінің судан диалектісін пайдаланады.

Діні

Олар дәстүрлі нанымдарды ұстанады, бірақ христиандық пен сунниттік исламды ұстанатын өкілдер де бар.

Тарихы

Халық аңыздарына қарағанда, олар соңғы жүз жыл бойы, 20 ғасырға дейін аңғарларда, Ніл өзенінің жоғарғы ағысында өмір сүрген көшпелі малшылар болды. Басқа мал өсірушілермен қатар жерге отырықшылық қоныстану Шығыс Африкадағы солтүстіктен оңтүстікке қарай қозғалған халықтың көші-қоны кезінде орын алды. 19 ғ-дың ортасынан бастап Эфиопияның құрамына кіреді, Ануак халқының есебінен негізінен биік таулы тайпалардың құлдары қатары толықты. 20 ғасырдың 70-ші жылдардан бастап «Дерг» марксистік тобының билікке келуімен ануакка қысым күшейіп – бұл тіпті әскер бөлімдерінің тікелей күшімен тұтас ауылдарды жоюға дейін жетті. Осы кезде бірнеше ондаған мың ануак АҚШ-қа қашып кетті (онда босқындарға көмек көрсету бағдарламасы болды). 1991 жылдары коммунистік режим құлаған кезде өзгерістер болып, Ануак өкілдері Эфиопияның саяси алаңына кіре алды, дегенмен кемсітушілік болып тұрды және 2000-шы жылдары Эфиопияның көтерілісшілері мен әскери бөлімдерінің үнемі қақтығыстары болды.

Кәсібі

Негізгі дәстүрлі кәсібі – қолмен атқарылатын егіншілік (тары, жүгері, бұршақ дақылдары), балық аулау (бөгеттерді пайдалану), жабайы жемістерді жинау. Мал шаруашылығында ұсақ малдарды, әсіресе ешкілерді ұстау басым. Дәстүрлі қолөнері қайық, моншақ және т.б. жасау болып табылады.

Өмір салты

Әлеуметтік ұйым патриархалдық-тайпалық байланыстарға негізделген, неке патрилокалды.

Әрбір қауымдастықтың басында оның төл символы және әрбір бірлестіктің бірегейлігі мен бірлігінің бейнесі болып табылатын көсемі тұрады. Көсемдер мен олардың ұлдары арасында билік үшін талас жоқ. Жаңа басшы ерлер арасынан қазіргі басшы қайтыс болған жағдайда ғана сайланады. Осы сәттен бастап жаңа билеуші ​​үшін өкілеттік мерзімі басталады, оған бұрынғы басқарушысының қорғауындағы мүліктер өтеді.

Дәстүрлі киімі - белдемше немесе алжапқыш.

Дәстүрлі тағамы - өсімдік тектес тағамдар, балық.