Аппассионато

Аппассионато (итал. appassionato - құштарлана, ынталана) - музыкалық шығарманы орындау мәнері. Аппассионато арқылы музыкалық шығарманың, оның жеке бөлімдерінің мәні белгіленеді. Аппассионато кейде шығарманың еқпінін белгілейтін сөздерге қосыла айтылып (аллегро аппассионато), музыкалық шығарманың аты ретінде қолданылады (Л.В. Бетховеннің "Аппассионата" атты сонатасы), кейде шығарма атаның бір бөлімі ретінде айтылады (А.Вьетанның скрипка мен фортепьяно үшін жазған "Фантазия" аппассионатосы").