Арал халықтық Қазанғап атындағы домбыра оркестрі

Арал халықтық Қазанғап атындағы домбыра оркестрі – алғаш құрамында 10-15 музыкант-домбырашы бар үйірме болып Арал қаласында құрылған.

20-ғасырдың 50-жылдары ауданы мәдениет үйі жанынан оркестр болып қайта құрылды. Онда Қ.Ілиясов, Ә.Сұлтанов, Ш.Шәріпов, Ә.Әденов, М.Отарбаев, А.Мәдединов, т.б. өнер көрсетті. Бұлар Арал өңірінде кеңінен тараған Қазанғап, Жаңаберген, Кәрібоз, Дәріғұл Өмірқұлұлы, Жансүгір шығармаларын орындаған. 60 жылы оркестр ұжымында 40-тан астам адам болды.

Оркестр репертуарында:

• Құрманғазының «Адай»
• Дәулеткерейдің «Қосалқа»
• Қазанғаптың «Көкіл», т.б. күрделі күйлер болды.

Бұл жылдары оркестр құрамында: дирижер – Ө.Спанов, бас домбырашы – Арзымбек, қобызшы – Шайхслам, бас қобызшы – Әмірадин, баяншы – Әскербек, домбырашылар: Д.Әлқуатов, Т.Боқаев, Ә.Жылқыбаев, Қ.Жақсыбаев, А.Қуанышбаев, Қ.Жармағамбетов, Н.Оспанов, С.Смағұлов болды. 1967 жылы 8 мамырда «Халық оркестрі» атағына ие болды. Оркестр бірнеше аудандық, облыстық , республикалық байқауларға қатысып, жүлделі орындарды иеленген.