Арамсояулар тұқымдасы

Арамсояулар тұқымдасы (лат. Cuscuteae, Cuscutaceae) – шырмауықтар тұқымдасына жататын паразит өсімдіктер. Арамсояулар тұқымдасына жататын өсімдіктер хлорофилсіз, тамырсыз, жіп тәрізді сабағы арқылы басқа өсімдіктерге сорғыш бүршігі арқылы жабысып өседі. Жер шарында кең тараған, әсіресе, Америка мен Африканың тропиктік аймақтарында, сондай-ақ Жерорта теңізі маңы мен Батыс Азияда кездесетін 1 туысы, 150 (кейбір мәліметтерде 170-тей) түрі белгілі. Ұсақ гүлдері қалың шашақ не шатырша гүлшоғырына топталған. Тостағанша жапырақшалары жарты шар, қоңырау не түтікше тәрізді 5 қалақты. Күлтелері бір-бірімен кіріккен ақ, сары не қызыл түсті. Аталықтары күлтенің түтікшелеріне жабысып тұрады. Гүлшоғырының ортасында 2 – 3 бірігіп кеткен жеміс жапырақшасынан тұратын аналық жиынтығы (гинецей) болады. Негізінен жарғаққанаттылармен тозаңданады. Тұқымы тозаңданғаннан кейін 2 – 3 аптадан кейін піседі. Бір өсімдікте 3-тен 30 мыңға дейін майда тұқым жетіледі. Арамсояулар тұқымдасына жататын өсімдіктер – өте зиянды арамшөптер; қ. Арамсояу.

Арамсояулар тұқымдасы
Арам шырмауық
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Solanales Тұқымдасы: Convolvulaceae Тайпасы: Cuscuteae Тегі: Cuscuta L.
Түрлері
100–170 түрі бар, кең тарағандар: Cuscuta approximata Cuscuta californica Cuscuta epithymum Cuscuta europaea Cuscuta pentagona Cuscuta salina

Сілтемелер

• Арамсояу
• Арамсәбіз
• Арамот тұқымдасы

Сыртқы сілтемелер

• Семейство повиликовые (Cuscutaceae)