Астана сауда орталығы
Астана сауда орталығы – Астана қаласының жергілікті маңызы бар тарих және мәдениет ескерткіштерінің мемлекеттік тізіміне енген сәулет өнері ескерткіші.
| Астана сауда орталығы | |
 | |
| Жалпы мәлімет | |
|---|---|
| Статусы |
Астана қаласының республикалық маңызы бар тарих және мәдениет ескерткіші |
| Түрі |
сауда орталығы |
| Сәулет стилі |
қала құрылысы және сәулет |
| Мекен жайы |
Астана қаласы |
| Картада орналасуы | |
|
| |
Координаттар: 51°09′55″ с. е. 71°25′21″ ш. б. / 51.16528° с. е. 71.42250° ш. б. (G) (O) (Я)
Орналасқан жері
өңдеуАстана қаласы, Кенесары көшесі, 37.
Кезеңі
өңдеуСипаты
өңдеуЕскерткіш – Ақмоладағы Кубрин әулетінің ең қызықты ғимараттарының бірі – "Матвей Кубрин ұлдарымен бірге және Ко" сауда үйі. Мұндай ғимараттар мамандардың айтуынша "модерн" стиліне жатқызылады. Ғимараттың екі қанаты екі көшенің бойында орналасқан, олардың қиылысқан бұрышында үсті төртжақты күмбезбен жабылған басты кіреберіс есігі бар. Садақша арка тәріздес терезе ойықтарының арасында қойылған консольды тіректер, пішінделген жақтаулар мен бағаналар сауда үйінің қайталанбас бейнесін құрайды.
Тарихи деректер
өңдеуӘулеттің негізі салушы Константин Кубрин болған, оның ұлдары Адриан мен Матвей, кейінірек немерелері Степан мен Василий де ата ісін жалғастырып, атақты ақмолалық саудагерлер мен қайырымдылық жасаушылар ретінде танылған.
Тарихи деректерге сәйкес, 1913 жылы Матвей Кубрин компаниясы дәріханалық, мануфактуралық, галантереялық, зергерлік, кеңселік тауарлармен, сондай-ақ киім, аяқ киім, бас киім, сағат, шай және қант сияқты өнімдермен табысты сауда жүргізген. 1944 жылы болған өрт нәтижесінде ғимараттың ағаш құрылымдары өртеніп кетті. Қалпына келтіруден кейін ғимаратта «Радуга» атты аспазхана және азық-түлік дүкені ашылды. Қазір ол жерде "Астана" сауда орталығы орналасқан.
Кубриндер әулетінен заманауи Астанаға бірнеше ерекше құрылымдар мұраға қалды: сауда үйі, алғашқы аурухана ғимараты, Василий Кубриннің бау-бақшалы үйі және меценат саудагер 100 рубль қаражат бөлген М. Горький атындағы Мемлекеттік академиялық орыс драма театрының ғимараты. Бұл ғимараттардың әрқайсысы біздің еліміздің елордасы Астанаға ерекше көрініс береді.[1]
Дереккөздер
өңдеу- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9