Асхат Берлешұлы Шахаров

Асхат Берлешұлы Шахаров (3 қазан 1978 жыл, РКФСР, Орынбор облысы, Ақбұлақ ауылында туған) — қазақстандық мемлекеттік қайраткер, дзюдо күресінен спорт шебері, Ақтөбе облысының әкімі (2023 жылғы 5 қыркүйектен бастап).

Асхат Берлешұлы Шахаров
Лауазымы
Ту Ақтөбе облысының әкімі Ту
5 қыркүйек 2023 жылдан бастап
Президент	Қасым-Жомарт Тоқаев
Премьер-Министр	Әлихан Смайылов
Ізашары	Ералы Тоғжанов
Ту Ақтөбе қаласының әкімі Ту
16 наурыз 2020 жыл — қараша 2022 жыл
Өмірбаяны
Дүниеге келуі	3 қазан 1978 (1978-10-03) (46 жас) Ақбұлақ ауылы, Орынбор облысы, Ресей

Өмірбаяны

Асхат Шахаров 1978 жылы Орынбор облысының Ақбұлақ ауылында дүниеге келген.

Әкесі — Шахаров Берлеш Шағанбайұлы (1955 жылы туған), жүргізуші. Анасы — Шахарова Люба Күлмағамбетқызы (1957 жылы туған), мейірбике.

Асхат Шахаров 1999 жылы Қазақ мемлекеттік туризм және спорт академиясын дене шынықтыру пәнінің оқытушысы — спорт бойынша жаттықтырушы, 2002 жылы Т. Рысқұлов атындағы Қазақ экономикалық университетін халықаралық экономист мамандығы бойынша бітірген.

2013 жылы РФ Президенті жанындағы Ресей Мемлекеттік қызмет және халық шаруашылығы академиясын аяқтаған. Экономика ғылымдарының кандидаты.

2005 жылдың қараша айынан Ақтөбе педагогикалық институты дене тәрбиесі кафедрасының доценті.

2007 жылдың сәуір айынан Ақтөбе облыстық олимпиадашылар резервін дайындау орталығының директоры.

Мемлекеттік қызметте

2013 жылдың маусым айынан бері БҚО Қаратөбе ауданының әкімі қызметін,

2017 жылдың шілде айынан БҚО Зеленов ауданының әкімі,

2020 жылдың наурыз айынан Ақтөбе қаласының әкімі болды.

2022 жылдың қарашасынан 2023 жылға дейін ҚР Президенті Әкімшілігінің Мемлекеттік инспекторы қызметін атқарды.

2023 жылдың 5 қыркүйек күні Ақтөбе облысының әкімі болып тағайындалды.

Спорттық мансабы

Самбодан үш мәрте әлем чемпионы, екі дүркін әлем кубогының иегері, дзюдодан дүниежүзілік біріншіліктің қола жүлдегері, ҚР еңбек сіңірген спорт шебері.

Самбо мен дзюдо күресінен ҚР чемпионы (1998-2005);

Азия біріншіліктері және чемпионаттарының 2 мәрте жеңімпазы, 3 мәрте жүлдегері;

Самбодан әлем чемпионы (Ақтөбе, 1997; Красноярск, 1998);

Әлем чемпионатының күміс жүлдегері (Испания, 1999).

Әлем чемпионатының күміс жүлдегері (Мюнхен, 2001).

XXVII жаздық Олимпиада ойындарына қатысқан (Сидней, 2000);

Самбо күресінен 3 мәрте әлем чемпионы (Киев, 2000; Кишинев, 2004; Астана, 2005).

Марапаттары

Дзюдо күресінен халықаралық санаттағы спорт шебері (1997).

Ақтөбе облысының Жыл адамы (2005).

«Құрмет» орденімен (2009);

«Қазақстан Республикасының тәуелсіздігіне 10 жыл» (2001),

«Астананың 10 жылдығы» (2008) медальдарымен марапатталған.