Атамекен ауылдық округі (Түркістан облысы)

Атамекен ауылдық округі – Түркістан облысы Жетісай ауданындағы әкімшілік бірлік. 1999 жылға дейін Куйбышев ауылдық округі деп аталған.

Қазақстан ауылдық округі
Атамекен ауылдық округі
Облысы	Түркістан облысы
Ауданы	Жетісай ауданы
Округ орталығы	Атамекен
Енеді	10 ауыл
Тұрғыны (2021)	▲9175
Уақыт белдеуі	UTC+5:00
Автомобиль коды	13

 Басқа мағыналар үшін Атамекен ауылдық округі деген бетті қараңыз.

Әкімшілік құрамы

Құрамына Атамекен, Әлімбетов, Баянды, Ғабдуллин, Ғарышкер, Жемісті, Қоғалы, Мақташы, Талапты, Тыңдала ауылдары кіреді. Орталығы – Атамекен ауылы. Округ құрамында болған Жібекші, Қалпақсай, Пірәлі ауылдары 2023 жылы таратылды.

Халқының саны (2009, 2021)

Елді мекен	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
Атамекен ауылы	2611	▼2401	92	1308	▼1225	93,7	1303	▼1176	90,3
Әлімбетов ауылы	44	▲138	313,6	20	▲72	360	24	▲66	275
Баянды ауылы	1610	▲2014	125,1	807	▲1072	132,8	803	▲942	117,3
Ғабдуллин ауылы	32	▼12	37,5	18	▼5	27,8	14	▼7	50
Ғарышкер ауылы	88	▲122	138,6	49	▲71	144,9	39	▲51	130,8
Жемісті ауылы	1246	▲1286	103,2	642	▲678	105,6	604	▲608	100,7
Жібекші ауылы	4	▲12	300	3	▲5	166,7	1	▲7	700
Қалпақсай ауылы	39	▼9	23,1	23	▼4	17,4	16	▼5	31,3
Қоғалы ауылы	1247	▼1086	87,1	668	▼585	87,6	579	▼501	86,5
Мақташы ауылы	924	▼765	82,8	489	▼392	80,2	435	▼373	85,7
Пірәлі ауылы	12	▼5	41,7	6	▼1	16,7	6	▼4	66,7
Талапты ауылы	1032	▲1161	112,5	521	▲594	114	511	▲567	111
Тыңдала ауылы	281	▼164	58,4	141	▼86	61	140	▼78	55,7
Жалпы саны	9170	▲9175	100,1	4695	▲4790	102	4475	▼4385	98

Халқының басым бөлігі қазақтар. Олардан басқа өзбектер, тәжіктер, орыстар тұрады.

Географиялық орны

Аудан орталығы — Жетісай қаласынан солтүстік-батысқа қарай 22 шақырым қашықтықта орналасқан. Ауылды Достық каналының бір тармағы кесіп өтеді. Ауыл орталығының батысында Жетісай-Шардара тас жолы бар. Жылысу, Қарақай, Мақталы ауыл әкімшіліктерімен және Өзбекстанмен шектеседі.

Тарихы

Мақталы кеңшарының бесінші бөлімшесі болып құрылған. 1992 жылға дейін "Өзбек ССР-інің 40 жылдығы" кеңшары боп аталды да (1963-71 жылдары бұл өңір Өзбекстанның құрамында еді, 1971 жылы қайтадан Қазақстанға өтті), "Атамекен" агрофирмасы боп өзгертілді. 1997 жылы Қоғалы ауылы Атамекен ауыл әкімшілігінің құрамына өтті.

Шаруашылығы мен экономикасы

Ауыл тұрғындары негізінен мақта өсірумен айналысады. Ауылда бірнеше мақта қабылдау пункттері бар. Одан бөлек қызанақ, қарбыз, қауын, қияр, қырыққабат, жүгері секілді өнімдер мен дақылдарды егуге де қолайлы алқаптар жеткілікті.

Одақтың кезінде әкімшіліктің аумағымен Жетісай-Шардара жүк тасымалдаушы темір жолы өтетін. 90-жылдардың ортасында темір жолдан пойыздар жүрмей қойып, қаңырап бос қалды да, темір жолдың материалдары талан-таражға ұшырады.

Ауыл кезінде газбен де қамтамасыз етілген болатын. 1999 жылы Өзбекстаннан тартылған газдың берілуі тоқтатылды да, құбырлар түгелімен істен шығып қалды. 2015 жылдан бастап, қайтадан орталыққа газ беріле бастады. Ауыз сумен ауылдың жартысы ғана қамтамасыз етілген.

Ауыл әкімдері

• 1992 — 2009 Әбдіәшім Шырынбеков,
• 2009 — 2010 Шыршықбаев
• 2010 — 2011 Қабыл Қалдыбеков,
• 2011 — 2022 Ерболат Раев
• 2022 — 2024 Шынболат Мүтәшев
• 2024 — Ерғали Байназаров

Табиғаты

Жерінің біраз бөлігі жыңғыл мен жантақтан басқа ештеңе өспейтін сортаң. Ондай жерлер тек мал жаю үшін ғана пайдаланылады. Қып-қызыл, шағыл құмды жерлері егін егу үшін игерілген. Жиде ағашы, тораңғы, сәмбі талдар көбірек кездеседі. Көктем шыққанда қызғалдақпен көмкерілетін аласа қырлар бар. Орман мүлдем жоқ, тоғайлар да аз. Құстардан қарға, шымшық, сауысқан, қырғауыл, үйрек кездеседі.