Нағима Абдолқызы Ахмадеева

Ахмадеева Нағима Абдолқызы (5.3.1918, қазіргі солтүстік Қазақстан облысы Петропавл қаласы – 22.7.2003, Қызылорда қаласы) – Қазақстанның еңбек сіңірген мұғалімі (1957). Семей мұғалімдер институтын бітірген (1936). 1936 – 43 жылы облыс мектептерінде мұғалім, 1943 – 45 жылы Петропавл қаласының ауданы партия комитетінде бөлім меңгерушісі, 1945 – 50 жылы Қызылорда қалалық атқару комитеттінде бөлім меңгерушісі, 1950 – 52 жылы қалалық партия комитеттінің хатшысы қызметін атқарған. 1952 – 78 жылы Қызылорда қаласындағы 112 Ә. Молдағұлова атындағы орта мектептің директоры болды. Ахмадеева Қызылорда қаласының құрметті азаматы. Ленин ордені және бірнеше медальмен марапатталған.

Дереккөздер

“Қазақ Энциклопедиясы”, I-том