Ахметфайыз Жүсіпұлы Тажетдинов

(1882, Бөкей ордасы — 1984, сонда) — ағартушы-педагог, өлкетанушы, Бөкей ордасы музейін ұйымдастырушы, Қазақстанның еңбек сіңірген мұғалімі (1948). 1905-1913 ж. Ордадағы 4 кластық қалалық училищеде және оның жанындағы 2 жылдық педагогикалық курста оқыған. 1917 ж. патшалық Ресей армиясы қатарына алынып, Царицын қаласындағы 115- жаяу әскер полкында қызмет істеді. Сол жылы жазда оны Тифилис уезінің Горс қылысындағы прапорщиктер даярлайтын мектепке оқуға жібереді. Әскерден оралған соң (1918 ж.) Ордадағы татар мектебіңде орыс тілінен сабақбереді. 1918-21 ж. Қазақтың 1-улгілі атты әскер полкінде взвод командирі. 1921-1922 ж. Орда татар мектебінің, 1922-1924 ж. Жиделі мектебінің меңгерушісі, 1928-1962 ж. Орда мектепинтернатының мұғалімі болған. 1962 ж. зейнет демалысына шығып, өзі жинаған 55 экспонатпен қоғамдық негіздегі тарихиөлкетану музейін ашқан. 1967 ж. музей мемл. қарамағына алынып, өзі оның алғашқы директоры болып бекітіледі. Т. Ленин орденімен (1949) марапатталған.