Ағартқыш заттар

Ағартқыш заттармақта мен маталарды, жібекті, жүнді, теріні, жасанды және синтетикалық талшықтарды, пластикалық заттарды, лактарды, сабынды, балауызды, майларды, азық-түлік заттарын т.б. ағартуға пайдаланылатын әртүрлі органикалық және бейорганикалық қосылыстар.

Ағартқыш заттар түсті бұйымдардың бояуларын ажарландырып жарқырату үшін, фотографияда, жуғыш заттар өндіруде, қағаз, мата, косметикалық заттар, сондай-ақ тағам өндірісінде кеңінен қолданылады. Ағартқыш заттар қатарына оттектің және галогендердің асқын қосылыстары, бейорганикалық қосылыстар, минералдар, әртүрлі ароматты және гетероциклді заттар кіреді. Ағартқыш заттар бояулармен салыстырғанда аз мөлшерде (0,001 — 0,1%) жұмсалады. Пайдалану мақсатына сәйкес ағартқыш заттар талшықтарға жұққыш, сәулеге, жууға, жоғары температураға, химиялық әсерге шыдамды болуы керек. Өндірісте ағартқыш заттар әртүрлі тауарлық атпен шығарылады.[1]


Дереккөздер өңдеу

  1. Қазақ ұлттық энциклопедиясы