Ақбас қаз

Ақбас қаз (лат. Anser indicus) – қазтәрізділер отрядының үйректер тұқымдасына жататын қаздың бір түрі.

Ақбас қаз
Амандық күйі
Least Concern (IUCN3.1)
Ғылыми топтастыруы
Дүниесі: Жануарлар Жамағаты: Хордалылар Табы: Құстар Сабы: Қазтәрізділер Тұқымдасы: Үйрек Тегі: Anser Түрі: A. indicus
Екі-есімді атауы
Anser indicus (Latham, 1790)
Синонимдері
Eulabeia indica

Орталық Азияның биік таулы аймақтарында (Алтай, Тянь-Шань, Памир, Алай), көлдер мен өзендердің аңғарын мекендейді. Басы мен мойнындағы қауырсыны ақ түсті болғандықтан ақбас қаз деп аталған, кейде биік таулы аймақтарда кездесетіндіктен «тау қазы» деп те атайды. Ақбас қаздың салм. 2 – 3 кг, аяғы біршама ұзындау келеді, құрлықта жылдам жүріп, тез жүгіре алады. Тіршілігінің көп уақыты құрлықта өтеді, түлеген кезде ғана суда жүзіп жүреді.

Су жағалауындағы өсімдіктердің тамырымен, жапырағымен, тұқымдарымен, балдырлармен, кейде ұсақ омыртқасыз жәндіктермен қоректенеді. Қазақстанның оңт.-шығыс аймағындағы (Алматы, Жаркент, Райымбек өңірінде), Зайсан қазаншұңқырының сулы-батпақты жерінде кей жылдары кездесіп қалады. Соңғы жылдары саны азайған, қорғауды қажет етеді.

Суреттер

• 
  Bar-headed Geese Scape at Keoladeo National Park
• 
  Preening & resting at Keoladeo National Park
• 
  At Keoladeo National Park
• 
  At Keoladeo National Park
• 
  Keoladeo National Park
• 
  Bharatpur, India.
• 
  Bharatpur, India.
• 
  Bharatpur, Rajasthan, India.
• 
  Bar-headed Goose Anser indicus at Wetlands Centre, England
• 
  At Keoladeo National Park,
• 
  Museum specimen