Ақтау пластикалық масса зауыты

Ақтау пластикалық масса зауыты – бұрынғы мұнай-химия өнімдерін шығаратын ірі кәсіпорын. Ақтау қаласында орналасқан. Зауыт 243 га аумақты алып жатыр. Өндірістік-өнеркәсіптік қызметкерлерінің саны 836 адам.

«КPI» АҚ
Түрі	беймемлекеттік компания
Құрылды	1981
Жабылды	2009
Жабылуының себебі	техника-экономикалық өндіру тиімділігі көрсеткіштерінің төменділігі мен импорттық шикізатты жеткізу қиындығы
Ізбасары	Каспий битум зауыты
Орналасуы	Ақтау
Саласы	пластмасса
Өнімі	стирол, полистирол
Қызметкерлер саны	836 адам
Басшы компания	«Қазмұнайгаз ҰҚ» АҚ

Тарихы

Негізі 1981 ж. қаланды. Пластмасса зауыты аз уақыт ішінде жобада белгіленген қуаттылығы игеріліп, КСРО-дағы полистирал өндіретін ірі кәсіпорынға айналды.

1982 жылдан бастап экспортқа жылына 240 мың т полистирол шығара бастады.

1992 ж. зауыт «Ақтау кешенді өндірістік бірлестік» АҚ болып қайта құрылды.

2004 ж. зауыттың мүліктік кешенін жедел басқару үшін Алматы қаласындағы «SAT Company» ЖШС сатып алды.

2005 жылы зауытты соңғы рет іске қосу әрекеті техника-экономикалық өндіру тиімділігі көрсеткіштерінің төменділігі мен импорттық шикізатты жеткізу қиындығы кесірінен тоқтатылды.

2009 жылы «KPI» АҚ акциясының 50%-ын «ҚазМұнайГаз ҰҚ» АҚ сатып алды.

ҚР химия-мұнай өнеркәсібін дамыту бағдарламасы бойынша «Ақтау пластикалық масса зауытында Ақтау жол битумын өндіру зауытын құру» инвестициялық жобасы жүзеге асырылды.

Өнімі мен зауыт құрамы

Негізгі өнім – стирол мен полистирол өндіріс құрылымының кешені шетелдік «Литвин» (Франция) фирмасымен өтемақылық келісім негізінде жүзеге асты.

Зауыт құрылымы 10 цех және бір орталық зертханадан тұрады. Этилен цехының жылдық қуаты 100 мың т этилен, отандық технология бойынша көмірсутек шикізатын шығаратын термиялық әдіспен ыдырау мен газ пиролизінің төм. темп-рада бөліну тазалығы 99,9% этилен алу жобаланған. Алынған этилен толықтай ішкі тұтынуға – этилбензол алынуға жұмсалады. Стирол цехының жылдық қуаты 346,3 мың т және 300 мың т бір технол. агрегаттағы этилбензол мен стиролдың кешенді қондырғысынан тұрады. Соққыға төзімді полистирол өндірісінің жылдық қуаты 110 мың т болатын 4 технол. жүйеден тұрады. Көбікті полистирол өндірісінің жылдық қуаты 100 мың т болатын 3 технологиялық цехы бар.

Халық тұтынатын тауарлар цехы 1982 жылдан істеп келеді. Су буымен қамту цехы зауыттың негізгі өндірістік цехтарын энергия көздерімен қамту үшін қызмет етеді. Азот ауа салқынмен қамту цехы негізгі цехтарды азот, сығылған ауа салқынмен қамтуға арналса, тазарту құрылғылары цехы негізгі өндірістерден келіп түсетін ағын суларды тазартуға арналған.

Бұлардан басқа, зауытта электр энергиясымен қамту, механикалық жөндеу және құрылыс-жөндеу цехтары да бар. Зауыттың технол. процестері тұрақты жүруі үшін өндіріске бақылау жүргізуге арналған аналитикалық цех жұмыс істейді.

Басшылары мен экспорты

Ақтау пластикалық масса зауытытының алғашқы басшылары:Г.Дуничев, Д.Бражник, Ю.Карев, В.Передереев, Е.Усов, И.Лебедев. Қазіргі «Sat Opezeіtіng Aktau» ЖШС-нің Бас директоры – Жусанбаев Ғалымжан Омарұлы. Жауапкершілігі шектеулі серіктстік қазіргі уақытта үкіметтің «2004 – 10 жылдарға арналған мұнай-химия өнеркәсібін дамыту» бағдарламасында көрсетілген міндеттерді орындауда.

Зауыт өнімдері Беларусь, Польша, Түркия, т.б. елдерге жөнелтіледі және ішкі сұранысты да қанағаттандырады.

Сілтемелер

• Ақтау халықаралық теңіз сауда порты.
• Ақтау Обасы.(қолжетпейтін сілтеме)
• Ақтау-жетібай су құбыры.(қолжетпейтін сілтеме)