Ақшатай, құмағаш таспасы (Astragalus ammodendron) — бұршақ тұқымдасына, таспа туысына жататын бұта. Қазақстанның Батыс Қазақстан, Мұғаджар алқаптарында, Солтүстік Арал маңы мен Қызылқұм өңірінде өседі. Ақшатайдың сабағы ақшыл-қоңыр, биіктігі 30 см-ден 1 м-ге дейін жетеді. Қатар орналасқан жапырақтарының ұзындығы 3-9 см болады. Гүл күлтесі қызғылт көк түсті келеді. Мамырмаусым айларында гүлдеп, шілдеде тұқым береді. Ақшатай — құмда өсетін құнарлы мал азығы. Сабағы қатаймай тұрған кезде, мал жақсы жейді. Құмды жерлерде кейде қолдан да егеді.

Дереккөздер: өңдеу

Қазақ ұлттық энциклопедиясы