Ақши (Қарағанды облысы)

Ақши — Қарағанды облысы Ақтоғай ауданындағы ауыл, Кежек ауылдық округі орталығы.

Ауыл
Ақши
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Қарағанды
Ауданы	Ақтоғай
Ауылдық округі	Кежек
Тарихы мен географиясы
Координаттары	48°40′41″ с. е. 74°11′31″ ш. б.48.67806° с. е. 74.19194° ш. б. / 48.67806; 74.19194
Құрылған уақыты	1942
Бұрынғы атаулары	Кежек
Уақыт белдеуі	UTC+5:00
Тұрғындары
Тұрғыны	▼237 адам (2021)
Сандық идентификаторлары
Автомобиль коды	09
Ақши Ақши
Ақши шекарасы

 Басқа мағыналар үшін Ақши деген бетті қараңыз.

Географиялық орны

Нұра өзенінің аңғарында, тау етегінде, аудан орталығы – Ақтоғай ауылынан солтүстік-батысқа қарай 69 км-дей жерде орналасқан. Балқаш көліне құятын Тоқырау және Шерубайнұра өзендері осы өңірдегі аты аңызға айналған Қайдауыл-Шерукеден бастау алады. Сондықтан бұл жер «Сарыарқа белі» деп аталады. Тарихи аңыздарға бай жер.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
460	▼330	▼237	71,8	176	▼127	72,2	154	▼110	71,4

Тарихы

Іргесі 1942 жылы Алғабас, Нұра, Сталин ұжымшарларының фермасы болып қаланды. 1975 жылы Шет ауданы Ақши мамаңдаңдырылған шаруашылық бірлестігі, 1979 жылы Ақтоғай ауданы, Ақши шаруашылығы бірлестігі болып құрылды. 1995 жылдан бастап – Ақтоғай ауданы, Кежек ауылдық округі. Жерінің жалпы ауданы — 85,7 мың га.

Шаруашылығы, инфрақұрылымы

Шаруашылықтың мамандандырылған негізгі бағыттары — егін шаруашылығы, қосымша мал өсіру болды. 49 шаруа қожалығы бар. Округте мектеп, кітапхана, клуб, пошта, АТС басқа да мәдени-тұрмыстық мекемелер бар. Ауыл басқа елді мекендермен автомобиль жолдары арқылы байланысады. Ең жақын Жарық темір жолы стансасы 150 км жерде.