Бабан кесенесі
БАБАН КЕСЕНЕСІ — 19 ғасырдан сақталған сәулет өнері ескерткіші. Қазіргі Шығыс Қазақстан облысы Аягөз ауданы Алғабас ауылынан Солтүстік-шығысқа қарай 25 км қашықтықта.
Осы өңір жоңғарлардан азат етілген соң, өз ауылдастарын ата жұртына қайта қоныстандыру ісін басқарған беделді азамат Бабан (Байқотан Аманбайұлы) қабірінің басына тұрғызылған. Алғаш 1988 жылы Алматы архитектура және құрылыс институтынының экспедициясы (жетекшісі Е. Бәйтенов) зерттеген. Кесене шикі кірпіштен қаланған, пішімі конус тәрізді, күмбезделген. Ұшар басы дулыға секілді (қазір жартылай бұзылған). Ішке кіретін аласа ойық Оңтүстік-батыстан шығарылған, күмбезінде жарық түсетін төрт тесік бар. Құрылыс сыланбаған. Қос баспалдақ тәрізді қаланған сыпа бөлменің ортасында.[1]
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |