Барлық-Арасан (шипажай)

Барлық-Арасан шипажайы – республикалық мәні бар бальнеологиялық шипажай.

Географиялық орныӨңдеу

Жетісу Алатауының (Барлық) бөктерінде, теңіз деңгейінен 579 м биіктікте. Шығыс Қазақстан облысы, Үржар ауданында, Қабанбай (бұрынғы Жарбұлақ) ауылынан 18 км, Алматы темір жолының Жалаңашкөл станциясынан 55 км, Алакөл көлінен 22 км жерде, Барлық-Арасан ауылының батыс жақ шетінде орналасқан.

Емдік бағытыӨңдеу

Жыл бойы жұмыс істейді. Ауа температурасы (орта есеппен) қаңтарда – 14°С, шілдеде 23°С. Жауын-шашын мөлшері жылына 260 мм, күннің ашық болуы 2750 сағаттай. Емдеу мақсатымен құрамында фтор бар кремний аралас хлорлы-күкіртті, кальций-натрийлі ыстық (42°С) минерал су ваннасы (былау), душ (тамшы су) ретінде, жуынып-шайыну, ішу үшін де пайдаланылады. Санаторий аяқ-қол, буын, жүйке жүйесі, тері ауруларын емдеуге арналған.[1]


ДереккөздерӨңдеу

  1. Қазақ Энциклопедиясы

Сыртқы сілтемелерӨңдеу