Бас каталог
Бас каталог, кітапхана ісінде — жалпы каталогтар жүйесін реттейтін негізгі анықтама аппараты. Кітапханашыларға анықтамалық-ақпараттық мағлұмат беретін Бас каталог ірі кітапханалардағы негізгі каталог болып есептеледі (қысқаша Каталог). Бас каталогта кітапханадағы кітап қоры туралы деректер түгел жинақталып көрсетіледі. Бас каталог арқылы белгілі бір кітап туралы барлық мағлұматты:
- оның санын;
- мазмұны бойынша жүйелі каталогтың қай бөліміне қатыстылығын;
- кітаптың сақталу орнын;
- пәндік каталогтың қай бөлімінде не берілгенін;
- әліпбилік каталогтағы қосымша түсініктемелердің санын, т.б. анықтауға болады.
Сондай-ақ, Бас каталогтан ірі кітапхана филиалдарының кітап қоры туралы мағлұматты білуге болады. Бас каталогтың жинақтаушылық рөлі кітапханааралық абономенттердің ақпараттық қызметі кеңейген сайын өсе түседі. Қазақстанның Ұлттық кітапханасындағы Бас каталог ел аймақтарындағы кітапхана қорлары мазмұнының негізгі ұйытқысы болып есептеледі. Құрамы мен жұмыс әдісіне қарай көпшілік және ғылыми деп бөлінетін Бас каталог ел кітапханаларының әдістемелік, ақпараттық жұмыстарына басшылық жасайтын орталық ретінде қызмет етеді. [1]
Дереккөздер
өңдеу| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |