Батыс Теплов мұнай-газконденсат кен орны

Батыс Теплов мұнай-газконденсат кен орны — Батыс Қазақстан облысы Бәйтерек ауданында, Орал қаласынан солтүстік-батысқа қарай 95 км жерде орналасқан. Кен орны 1993 ж. ашылған. Газ құрамындағы конденсаттың мөлшері шамалы (46 г/м ). Кен орнындағы мұнай шоғырының қалындығы 10-15 м. Газ жабындысындағы конденсаттың орташа мөлшері 206 г/м . Шоғыр қабаты батыстан шығысқа қарай тереңдей береді (2776 м-ден 2870 м- ге дейін). Коллекторы кеуекті, кеуекті-жарықшақты. Орташа кеуектілігі 5,5-10,5%-ке дейін өзгереді. Орташа өткізгіштігі 17 фм , ең көбі 1000 фм . Кен орнындағы бастапқы қабат қысымы орташа есеппен 32-32.7 Мпа, орташа температурасы 78- 83°С. Газдың дебиті сынақ кезінде тәулігіне 13,5 мың м -ден 520 мың м3-ді көрсетті, конденсаты 3-тен 260 м3, мұнайы 40- тан 235 м3. Газдағы мұнайдың мөлшері 80-95%. Басқа компоненттерден: күкіртті сутегі 1,36- 0,29%, азот 1,32-2,57%, көміртек 2,73-0,69%, меркаптандар 0,014-0,02%. Конденсатта күкірт пен парафиннің мөлшері шамалы (0,2-0,5 және 0,3- 1,1%), тығыздығы 755-797 кг/м\ шайырлылығы 2-11%, 200°С температурадағы буланатын фракцияның мөлшері 60-90%. Мұнайдың тығыздығы 840-852 кг/м. Мұнай күкіртті (0,51-2,0%), парафині жоғары (1,51-6,0%), шайырлы (4,9-28%), 200°С да қайнап, буланатын фракцияның мөлшері 30-45%, 300°С-та 57-65%. Мұнайда орта есеппен 206 м3/м3 ерітілген газ бар. Газдың құрамында күкіртті сутек 0,12%, азот 1,11%, бутан 2,03%. Кен орны өндіріске біршама дайындалған. Одан әрі барлануда.

Батыс Теплов мұнай-газконденсат кен орны
51°04′59″ с. е. 50°19′59″ ш. б.51.08306° с. е. 50.33306° ш. б. / 51.08306; 50.33306
Ел	Қазақстан
Аймақ	Батыс Қазақстан облысы
Статусы	өндірілуде
Ашылған уақыты	1973 жыл
Батыс Теплов мұнай-газконденсат кен орны
Батыс Теплов мұнай-газконденсат кен орны