Баяндүр

Баяндүр - қазіргі Моңғолия жерінде ерте орта ғасырда болған түркі тілдес тайпа.

Кейін Баяндүр тайпасының басым тобы батысқа қарай ауа көшіп, қазіргі Қазақстан жеріне келіп орналасқан. Бір тобы қимақтар, ал басым көпшілігі оғыздардың құрамына енген. Қорқыт ата кітабындағы Баяндүр хан туралы жыр осы тарихи кезеңде туған болуы мүмкін. XIV - XV ғасырларда оғыздар құрамындағы Баяндүр тайпасы Кіші Азия тарихында маңызды рөл атқарды. Осы тайпадан шыққандар Аққойлы мемлекетін құрған. Баяндүр тайпасы түрікмендердің арасында жеке ру ретінде сақталынып қалған.