Бақша қарақшысы (кітап)
Бақша қарақшысы (орыс. Чучело) – орыстың балалар жазушысы Владимир Железниковтың жазған туындысы. Жасөспірімдер жайындағы бұл кітап 1981 жылы жарық көрді.
Қысқаша мазмұны
өңдеу[ Бұл кітап 6 сынып оқушысы Лена Бессольцева жайында. Лена өзінің бұрын әскери қызмет істеген атасының үйіне көшіп келеді. Атасы үйінде көптеген картиналар сақтайтын. Қалада оның атасын өзге адамдар тұйық мінезі үшін жақтырмайтын. Жаңа сыныптастары да Ленаны жақтырмай, "Бақша қарақшысы" деген ат береді. Тек Дима Сомов қана жаңадан келген оқушыға қолдау көрсетіп, құшақ жая қарсы алды. Дима Сомовқа сыныбындағы барлығы дерлік қыздар ғашық еді. Махаббатқа ұласқан Дима мен Лена арасындағы достық үшін, Димаға сатқын деген атақ береді. Сынып оқушылары мектепті тастап, киноға бармақ болады. Ал Дима болса, сынып жетекшілеріне кино жайында сыр білдіртіп қояды. Сынып жетекшілері жаза ретінде Мәскеуге барудан бас тартты. Мәскеуге сынып оқушылары күзгі демалыста бару үшін қызу дайындық үстінде еді. Жігіттер айыпкерді табу және жазалау туралы шешім қабылдайды. Лена, Диманы аяп, бар кінаны өз мойнына алады. Сыныптастары Ленаны кешірмей, өздерінен шеттетіп, әрбір кездескен сайын мазақтайтын болды. Лена ұзақ уақыт бойына Диманы өз кінәсін мойындайды деп үміттеніп жүрген. Шындықты, Дима мен сынып жетекшілерінің арасындағы әңгімені партаның астында тығылып, тыңдап отырған екі құрбылар білетін, бірақ олар араласпауға бел буды. Ленаның Димаға деген үміт, сенім және махаббаты өшеді, себебі Дима өздерінің сыныптастарына қосылып, Ленаның бейнесі бейнеленген "Бақша қарақшысын" өртеуге атсалысады. Сыныптастарының шектен шығып бара жатқанын көріп, бір бала Дима жайындағы шындықты жайып салады. Бірақ Лена мектебінде оқуға құлшынысы болмай, қаладан кетуге мәжбүр болады. Атасы қаласына картиналарының коллекциясын қалдырады да кетіп қалады. Соңында сыныптастары тақтаға «Бақша қарақшысы, бізді кешірші!» - деп жазып қояды. ]
Кейіпкерлер
өңдеу- Николай Николаевич Бессольцев – Ленаның атасы. Өзін келемеждесе де, жанжал шығармайтын, керемет кісі.
- Лена Бессольцева – басты кейіпкер. Өте мейірімді адам. Өзін мазақ еткен кезде барынша шыдауға тырысатын, батыл қыз.
- Маргарита Ивановна Кузьмина, сынып жетекшісі. Ленаға ешкімнің тіл тигізбеуін қадағалап жүретін, керемет адам.
- Дима Сомов, Ленаның сыныптасы. Сынып старостасы.
- Миронова (Железная Кнопка) , Ленаның сыныптасы. Сыныптың лидері. Сырт көзге жаман болып көрінгенімен, өзінің жылы жүректі екенін хикаяның соңында дәлелдейді.
- Марина (Мотя) , Ленаның сыныптасы.
- Шмакова, Ленаның сыныптасы. Өзгелерді жұмсағанды ұнататын, пысық қыз.
- Валька, Ленаның сыныптасы. Ақшадан басқа ештеңені ұнатпайтын адам.
- Попов, Ленаның сыныптасы. Шмакованың айтқандарын бұлжытпай орындайтын кейіпкер.
- Васильев, Ленаның сыныптасы. Мироноваға қарсы шыға алмайды.
- Клава, шаштараздағы жұмысшы, Маринаның анасы.
1982 жылы кітап желісі бойынша фильм түсірілген (режиссер - Ролан Быков).
Рөлдерде ойнағандар: Кристина Орбакайте — Лена Бессольцева, Юрий Никулин — Николай Николаевич Бессольцев, Дмитрий Егоров — Дима Сомов, Елена Санаева — Маргарита Ивановна Кузьмина, Светлана Крючкова — Клава, Павел Санаев — Васильев.