Әсет Көпбайұлы Бейсеуов
Әсет Көпбайұлы Бейсеуов (13 қазан 1938 жыл, Қарғалы ауылы, Жамбыл ауданы, Алматы облысы – 20 наурыз 1996 жыл, Алматы) — кеңестік және қазақстандық композитор, Қазақстанның халық әртісі (1991).
Өмірбаяны
өңдеу- Алматы консерваториясын (қазіргі Қазақ ұлттық консерваториясы, В.В. Великановтың класы бойынша) бітірген (1960).
- 1961–1964 жылдары Текелі қаласының музыка мектебінде мұғалім
- 1964–1966 жылдары Мәдениет үйінде қызметкер
- 1966–1967 жылдары Есік музыка мектебінде мұғалім
- 1967–1968 жылдары Ұзынағашта Мәдениет үйінің көркемдік жетекшісі болды.
- 1969–1974 жылдары «Гүлдер» ансамблінде
- 1974–1980 жылдары Қуыршақ театрында қызмет істеді. [2]
Шығармашылығы
өңдеуБейсеуов қазақ эстрадасында музыкасының дамуына үлес қосты. Композитордың «Алмалы Алматым», «Гүлдер», «Шақырады көктем», «Мұңайма», «Алтыным», «Маралдым», «Сандуғаш», «Сырласу вальсі», «Жұлдызым», «Армандастар», «Жайықтан қайтқан тырналар», т.б. туындылары қазақ ән өнерінің алтын қорына енді. Сондай-ақ, Бейсеуов бірнеше спектакльдерге (Сұлтанәлі Балғабаевтың «Қыз жиырмаға келгенде», Әділбек Тауасаровтың «Аса құрметті Икс»), кинофильмге («Көртышқан мен қоян»), телефильмдерге («Алдар көсе», «Жаздың соңғы күні», т.б.) музыка жазды. Көптеген ән жинақтары жарық көрді.
Марапаттары
өңдеуБейсеуов — Қазақстан Комсомол сыйлығының иегері (1972).[3]
Дереккөздер
өңдеу- ↑ Құрастырушы авторы А.Байғазыұлы Бәйдібек баба - Алып бәйтерек ұрпақтарының шежіресі. Сары Үйсін. Шапырашты — Алматы: Өнер, 2000. — ? б. — ISBN 5-89840-441-4.
- ↑ Документальный фильм «Әсет Бейсеуов».
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
