Бекмырза Қайыпұлы Еламанов

Бекмырза Қайыпұлы Еламанов (1 қаңтар, 1950 жыл, Қызылорда облысы, Қармақшы ауданы, Қорқыт стансасы) - Қармақшы ауданының әкімі (1995-2001), Жаңақорған ауданының әкімі (2008-2014), Қазақстан Республикасы Парламенті Сенатының депутаты (2014 жылдан бері).

Бекмырза Еламанов

Өмірбаяны

• Әкесі - Еламанов Қайып, теміржолшы болған. Анасы - Еламанова Зағи, үй шаруасымен айналысқан.
• Алматы мал дәрігерлік институтының зоотехника факультетін (1974) ғалым-зоотехник мамандығы бойынша;
• Мәскеу бизнес және ақпараттық технологиялар институтының экономика факультетін (2000) экономист мамандығы бойынша бітірген.
• 1966-1969 жылдары - Қызылорда облысы Қармақшы ауданы Жусалы кентіндегі №149 АКТУ слесары.
• 1974 жылдан - Қармақшы ұжымшаралық бордақылау алаңшасының зоотехнигі, бас зоотехнигі.
• 1976 жылдан - Қармақшы аудандық ауылшарбірлестігінің бригадирі, бас зоотехнигі.
• 1981 жылдан - Қармақшы ауданының «III Интернационал» ұжымшары бордақылау алаңының бригадирі.
• 1983 жылдан - Қазақстан Компартиясының Қармақшы аудандық комитетінің нұсқаушысы.
• 1984 жылдан - «III Интернационал» ұжымшарының Қармақшы комитетінің хатшысы.
• 1987 жылдан - Қармақшы аудандық «Қуаңдария» кеңшарының директоры.
• 1990-1992 жылдары - Қармақшы аудандық Халық депутаттары кеңесі төрағасының орынбасары.
• 1994 жылдан - «III Интернационал» ұжымшарының төрағасы.
• 1995 жылдан - Қызылорда облысы Қармақшы ауданының әкімі.
• 2001 жылдан - «Шапағат Лимитед» ЖШС директоры.
• 2004 жылдан - Қызылорда облысы әкімінің орынбасары.
• 2008 жылдың тамызынан - Қызылорда облысы Ауыл шаруашылығы басқармасының бастығы.
• 2008-2014 жылдары - Қызылорда облысы Жаңақорған ауданының әкімі.
• 2012-2014 жылдары - Қызылорда облысы маслихатының депутаты.
• 2014 жылдан бері - Қазақстан Республикасы Парламенті Сенатының депутаты.

Атақтары мен шендері

Әскери атағы - запастағы подполковник.

Марапаттары

• «Құрмет» (2007) ордені;
• «Астана» (2001),
• «Қазақстан Конституциясына 10 жыл» (2005) медалі.

Отбасы

• Үйленген. Жұбайы - Еламанова Венера Әбілқасымқызы, зейнеткер.
• Ұлдары - Еламанов Жаңалық Бекмырзаұлы, Еламанов Жасұлан Бекмырзаұлы, Еламанов Нұрлан Бекмырзаұлы.