Белдеу
Белдеу — киіз үйдің сыртынан айналдыра буатын бел арқан. Киіз үй орнықты болуы үшін белдеу мықты болуы керек. Сондықтан оны жылқы қылымен қой жүнін араластырa есіп дайындайды. Неғұрлым ширата есілсе, соғұрлым арқан берік болады. Киіз үйдің керегелерінің орта тұсынан жүргізілетін белдеу арқанның екі ұшы есіктің екі босағасына қатты тартып байланады. Белдеуге үзік, түндік баулар бекітіліп, екі босағаға жақын жерлеріне бақан, құрық, т.б. құралдармен қатар ертеде сойыл, шоқпар сияқты қарулар қыстырылатын болған. Жаугершілік заманда ер-азаматтардың ерттеулі аттары күндіз-түні белдеуде байлаулы тұрған.[1]
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |