Марк Исаакович Беркович

Марк Исаакович Беркович (30 қаңтар 1914 жыл, Украина, Одесса — 12 наурыз 1986 жыл, Алматы) — кинооператор, кинорежиссер, Қазақстанның еңбек сіңірген өнер қайраткері (1978).

Марк Исаакович Беркович
Жалпы мағлұмат
Туған күні	30 қаңтар 1914 (1914-01-30)
Туған жері	қазіргі Одесса, Ресей империясы
Қайтыс болған күні	12 наурыз 1986 (1986-03-12) (72 жас)
Қайтыс болған жері	Алматы, Қазақ КСР, КСРО
Азаматтығы	КСРО РКФСР (1917-1922) Ресей империясы (1914-1917)
Мамандығы	режиссёр оператор
Белсенді жылдары	1937-1966

Өмірбаяны

• Бүкілодақтық кинематография институтын бітірген (1937).
• 1937 — 1956 ж. “Мосфильм” мен “Моснаучфильм”, ал 1956 — 1986 ж. “Қазақфильм” студияларында қызмет етті.

Фильмдері, еңбектері және марапаттары

Ш. Аймановпен шығармашылық бірлікте болып, ол қойған “Біз осында тұрамыз” (1957), “Біздің сүйікті дәрігер” (1958), “Бір ауданда” (1960), “Әнші ауыл” (1961), “Алдаркөсе” (1965), “Тақиялы періште” (1968), “Найзатас баурайында” (1969) фильмдерін, сондай-ақ, “Асау Ертіс жағасында” (1956, режиссер Е.Е. Арон), “Ән қанаты” (1966, реж. Ә.Мәмбетов) атты көркем фильмдерді түсірді.

Беркович — “Бес жылдан кейін” (1962), “Мұқанның қайта тууы” (1970), “Алматы”, “Алғашқы гүлдер”, “Жаңа жылыңызбен” (1971), “Шәкен Айманов” (1974), “Түсті металлургия” (1979), “Обелиск”, “Жаңа алаң” (1982), т.б. ғылыми-көпшілік және хроникалық-деректі ленталардың түсірушісі және қоюшысы. “Аяқталмаған өмір киноленталары” (1985) атты естелік-кітаптың авторы.

2-дәрежелі Отан соғысы орденімен және медальдермен марапатталған.