Бертіс

Бертіс – Балқаш көлінің солтүстік жағасындағы түбек.

Бертіс түбегі
Сипаттамасы
Ауданы	18,7 км²
Орналасуы
46°49′14″ с. е. 75°01′50″ ш. б.46.82056° с. е. 75.03056° ш. б. / 46.82056; 75.03056
Акватория	Балқаш
Ел	Қазақстан
Бертіс түбегі
Бертіс түбегі

Географиялық орны

Балқаш қаласы мен Шашубай кентінің арасында орналасқан.

Сипаты мен геологиялық құрылымы

Аумағы 18,7 км², ұзындығы 7,5 км, ені 2,5 км. Жер бедері – аккумуляттік жазық. Орта және жоғарғы тас көмір кезеңі жүйесінің гранитінен, құмтасынан, тақтатасынан, әктасынан түзілген. Олардың бетін төрттік кезеңнің элювийлі-делювийлі шөгінділері жауып жатыр.

Өсімдігі

Түбекте шөлге тән сортаңды сұр қоңыр топырақ қалыптасқан. Баялыш, сұр жусан, т.б. шөлейттің сортаң өсімдіктері өседі.