Шашубай

Шашубай (2006 жылға дейін – Озёрный) — Қарағанды облысы Ақтоғай ауданындағы кент.

Кент
Шашубай
Әкімшілігі
Ел	ҚазақстанҚазақстан
Облысы	Қарағанды
Ауданы	Ақтоғай
Кенттік әкімдігі	Шашубай
Тарихы мен географиясы
Координаттары	46°48′20″ с. е. 75°02′28″ ш. б.46.80556° с. е. 75.04111° ш. б. / 46.80556; 75.04111
Құрылған уақыты	1936
Бұрынғы атаулары	Рыбтрест, Озерный
Уақыт белдеуі	UTC+5:00
Тұрғындары
Тұрғыны	▲2417 адам (2021)
Сандық идентификаторлары
Автомобиль коды	09
Шашубай Шашубай
Шашубай шекарасы

Географиялық орны

Балқаш көлінің солтүстік жағалауында, аудан орталығы – Ақтоғай ауылынан оңтүстікке қарай 216 км, Балқаш қаласынан оңтүстік-шығысқа қарай 3 км-дей жерде орналасқан.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
2368	▼2148	▲2417	112,5	1092	▲1203	110,2	1056	▲1214	115

Тарихы

Іргесі 1936 жылы балық аулау станция негізінде қаланған. 1937 жылы Қарағанды - Балқаш темір жолы құрылысы аяқталғаннан кейін мұнда Балқаш мемлекеттік балық өндірісі тресі ашылды. 1939 жылы “Рыбтрест” кенті деп аталды. 1940 жылы базада мұздатқыш салынып, Балқаш балық комбинаты құрылды. 1975 жылы желтоқсанда Озерный кенті болып құрылып, Балқаш қалалық кеңесіне қарады. 1977 жылы Приозерный ауданы құрылып, орталығы Озерный кенті болды (кейін халық ақыны Шашубай есімі берілді). 1993 жылы Тоқырауын ауданы болып өзгертілді. 1997 жылы Тоқырауын ауданы таратылып, Шашубай кенті Қарағанды облысы Ақтоғай ауданының құрамына енді. Шаруашылықтың негізгі бағыты — балық аулау. “Балқашбалық” ЖШС-і бар.

Инфрақұрылымы

Мектеп, клуб, кітапхана, отбасылық-дәрігерлік амбулатория, т.б. мәдени-тұрмыстық мекемелер бар. Белгілі ақын, әнші Шашубай Қошқарбаевқа ескерткіш орнатылған. Ең жақын темір жолы станциясы — Балқаш (5 км жерде).