Бесінші кәсіптік лицей

Бесінші кәсіптік лицей — Орал қаласындағы бастауыш кәсіптік білім беретін оқу орны. 1974 ж. 1 қыркүйекте 5- техникалық училище ретінде ұйымдастырылған. Кейінгі жылдары оқу орнының атауы бірнеше рет өзгерді. 2000 жылдан Бесінші кәсіптік лицей аталады. Жыл сайын 400 оқушы қабылданып, банк ісінің ЭЕМ-ның оператор- программашысы, радио-телеаппаратураларды және дербес компьютерлерді жөндеуші механик, автомобильдерді жөндеуші, жеке автосервисті ұйымдастырушы, секретарь-референт мамандықтарына оқытады. Арнаулы және жалпы пәндер бойынша сабақ өткізетін кабинеттер мен лабораториялар, оқу-өндірістік шеберханалары, асхана, кітапхана, спорт залы, медицина қызмет көрсету кешені бар. Оқушыларға жоғары білімді өндірістік тәжірибесі мол инженер-педагогтар сабақ береді. 1999 ж. 19 қаңтардан Бесінші кәсіптік лицей Ы.Алтынсарин атындағы Қазақтың Білім академиясының қарауындағы негізгі оқу орны саналады.