Элизабет Энн «Бетти» Блумер Форд (ағылш. Elizabeth Anne «Betty» Bloomer Ford, 8 сәуір 1918, Чикаго8 шілде 2011, Ранчо-Мираж) - Америка Құрама Штаттарының президенті Джеральд Фордтың әйелі және 1974-1977 жылдары аралығында АҚШ-тың Бірінші ханымы.

Элизабет Энн «Бетти» Блумер Форд
Elizabeth Anne «Betty» Bloomer Ford
Бетти Форд
Лауазымы
Ту
Ту
АҚШ-тың Бірінші Ханымы
9 тамыз 1974 жыл — 20 қаңтар 1977 жыл
Ізашары Пэт Никсон
Ізбасары Розалин Картер
Өмірбаяны
Дүниеге келуі 8 сәуір 1918 (1918-04-08)
Чикаго, АҚШ
Қайтыс болуы 8 шілде 2011 (2011-07-08) (93 жас)
Калифорния, АҚШ
Жұбайы Джеральд Форд
Балалары Майкл, Джон және Стивен
Сьюзен

Өмірбаян өңдеу

 
Бетти Форд

Элизабет Энн Блумер 1918 жылы Чикагода дүниеге келді. Ол отбасында үшінші бала және жалғыз қыз болды. Оның балалық шағы Гранд-Рэпидс, Мичиганда өтті, ол сол жерде орта мектепті бітірді. 1929 жылы «қара бейсенбіден» кейін Бетти Блумер киім үлгілерін құрумен айналыса бастады. Сондай-ақ, ол вальс, фокстрот және үлкен алманы билеуді үйретумен айналысты. Өзі ол 1935 жылы Калла Трэвистің би студиясын бітірген болатын. Блумер он алты жаста болған кезде оның әкесі көлікжайда жұмыс істеп жатқан кезде иіс газымен уланып, қайтыс болды.

Мансабы өңдеу

 
Он сегіз жасар Бетти

Мектепті бітірісімен Бетти Нью-Йоркте би билеуді жалғастыруды жоспарлаған. Алайда оның анасы бұған қарсы болды. Осының орнына ол екі жыл бойы жаз кезінде Беннингтондық би мектебінде Марта Грэмның басшылығында оқыды. Осыған қоса ол Джон Роберттің фирмасында модель болып жұмыс істеді, осылайша ол өз оқуына ақша табатын. Содан кейін Бетти Грэмның жәрдемші групасына түсіп, Карнеги-холлда биледі. Анасы қызының мансабын ұнатқан жоқ және қызына отанына оралуға талап етті. Бірақ анасы мен қызы кейінрек ортақ шешімге келеді.

1941 жылы Блумер Мичиганға оралады. Ол жергілікті универмагта сән бойынша координатор болып жұмыс істеді. Сондай-ақ ол өзінің жеке би тобын құрып, адамдарды би өнеріне үйретуді бастады.

Неке және отбасы өңдеу

1942 жылы Блумер жиһаз сатушы Уильям Уорренге тұрмысқа шығады. Бетти оны он екі жасынан бастап білген.1947 жылы олардың некесі бұзылды. Блумердің жаңа жары заңгер және Екінші Дүниежүзілік соғыстың ардагері Джеральд Форд болды. Неке тойы 1948 жылы 15 қазанда Гранд-Рэпидсте өтті.

 
Бетти және Джеральд Форд неке тойы кезінде

Жұбайларда төрт бала болды:

  • Майкл Джеральд Форд (1950 жылы дүниеге келді)
  • Джон Гарднер Форд (1952 жылы дүниеге келді)
  • Стивен Мейгс Форд (1956 жылы дүниегеке келді)
  • Сьюзен Элизабет Форд (1957 жылы дүниеге келді).

АҚШ-тың Бірінші ханымы өңдеу

1974 жылы Уотергей шуынан Ричард Никсон қызметінен кетеді. Сол кезде вице-президент Джеральд Форд мемлекет басшысының лауазымын алады. Бетти және Джеральд Ақ үйдің ең ашық жұбайларының бірі болды, олар бір-біріне деген махаббаты басқаларға көрсетуден ұялған жоқ. 

Қалған өмірі өңдеу

1978 жылы Бетти Форд «The Times of My Life» автобиографиясын жариялады. 1982 жылы ол Бетти Форд орталығын ашады. Бұл жерде ішімдікке және насыбайға деген құмарлықпен күреседі. 1991 жылы Президенттік бостандық медалімен марапатталады, ал 1999 жылы Конгресстің алтын медалін алады.

Бетти Форд 2011 жылы 8 шілдеде тоқсан үш жасында инсульттен шыққан асқынудан қайтыс болды.

Сілтемелер өңдеу