Бикен Жиенбаева

Бикен Жиенбаева (1908 жыл, Торғай уезі – 1979 жыл, Жангелді ауданы, 7-ші ауыл) – қоғам және шаруашылық қызметкері.

• Торғай балалар коммунасында оқыған (1923-1926 жылдары)
• Ақтөбе партия-кеңес мектебін бітірген (1928).
• Еңбек жолын қазіргі Жангелді ауданындағы қызыл отау меңгерушісі болып бастап, ауданаралық кәсіподақтар кеңесінде жауапты хатшы қызметін атқарды.
• 1931-1937 жылдар аралығында Адамов аудандық (қазіргі Орынбор облысы) партия комитетінде әйелдер секторының меңгерушісі, Түркістан облысы Талас аудандық жұмысшы бақылау комиссиясының инспекторы, қоғамдық тамақтандыру одағы облыстық комитеті төрағасының орынбасары, Ақтөбе облыстық комсомол комитетінің бөлім меңгерушісі, «Қазақстанның 15 жылдығы» кеңшары саяси бөлім меңгерушісінің комсомол жөніндегі орынбасары қызметтерін атқарған.
• 1936-1937 жылдары Ақтөбе облыстық партия комитеті ауыл шаруашылық бөлімінің нұсқаушысы болды.
• 1937 жылы жұбайы Е. Оспановтың «халық жауы» ретінде сотталуына байланысты Бикен Жиенбаева да қуғынға ұшырап, 1938-1939 жылдары түрмеде отырды. 1970 жылы толық ақталды.