Биологиялық қауіпсіздік проблемалары ғылыми-зерттеу институты

Биологиялық қауіпсіздік проблемаларының ғылыми-зерттеу институты мемлекеттік еншілес кәсіпорны (БҚПҒЗИ) – ҚР Білім және Ғылым министрлігі Ғылым комитеті шаруашылық жүргізу құқығындағы ҚР Ұлттық биотехнология орталығы; Жамбыл облысы, Қордай ауданы, Гвардейский кентінде орналасқан.

Оның құрамында 10 лаборатория, 8 бөлім, 1 бөлімше бар.

• Биопрепараттарды сүрлеу әдістері мен технологиялары;
• Вирустық індеттерді балау және жіктеу;
• Вирустардың молекулярлық биологиясы мен гендік инженериясы;
• Торшалық биотехнология;
• Микроорганизмдер жинаққор;
• Құстардың вирустық ауруларын бақылау және алдын алу;
• Зооноздық індеттерді бақылау және болжау;
• Өсімдіктер иммунитеті;
• Биопрепараттар технологиясын өнімдеу және бақылау лабораториялары жұмыс істейді.

1992 жылы ҚР Ауыл шаруашылығы министрлігі Бас ветеринария басқармасына, 1993 жылы ҚР Білім және ғылыми министрлігі Ұлттық биотехнология орталығына (ҰБО), 1999 жылы ҚР Энергетика, индустрия және сауда министрлігіне, 2001 жылдан ҚР Білім және ғылыми министрлігі Ұлттық битехнология орталығына қарайтын болды. ҚР ғылыми-техника бағдарламаларын орындау нәтижесінде (БҚПҒЗИ) 19 ұсыным, 16 әдістемелік, 8 нормативтік-техника құжаттамалар жиынтығы, 1 нұсқаулық, 2 поксвирустардың 6 штамына генетика ұсыныс төлқұжаттар жасалды. Зерттеу материалдары бойынша 84 ғылыми еңбектер жарияланды, 17 өнертабыстарға сұраныс беріліп, 6 патент алынды.

Ресми сайты

• https://www.biosafety.kz/KK/