Биология және биотехнология факультеті (ҚазҰУ)

Биология және биотехнология факультеті
Биология және биотехнология факультеті
Қазақ ұлттық университеті
Ұраны	Еңбек әрқашан жеңімпаз
Құрылған жылы	1934
Деканы	б.ғ.д., профессор Шалахметова Тамара Минажқызы
Орналасқан жері	ҚазҰУ қалашығы, Алматы қ., Әл-Фараби даңғ., 71
Ресми сайты	www.kaznu.kz

Биология және биотехнология факультеті — Әл-Фараби атындағы Қазақ ұлттық университеті факультеті. 1934 жылы «Биология факультеті» болып құрылған.

Тарихы

Факультет құрылғандағы оқытушылар құрамы. 1934 жыл

Алғашқы жылдары факультетте ботаника және зоология деп аталатын 2 кафедра жұмыс істеп, онда барлығы 22 студент қана білім алды. Келесі жылдары олардың саны артып, өсімдіктер физиологиясы, жануарлар және адам физиологиясы, дарвинизм және генетика, топырақтану, гидробиология және ихтиология, гистология және цитология, микробиология, биофизика, биохимия, табиғатты қорғау кафедралары ашылып, соған сәйкес білім алушылардың саны да артты.

Қалыптасқан алғашқы жылдардан-ақ биология факультеті профессор-оқытушылар құрамы деңгейінің өте жоғарылығымен ерекшеленіп келеді. Факультетте А. Н. Бартнев, П. И. Мищенко, П. И. Громаковский, Н. В. Павлов, А. С. Пазаренко, В. С. Корнилова, М. А. Розенберг, В. А. Догель, Г. З. Бияшев, Б. А. Домбровский, Т. Б. Дарқанбаев, Н. Л. Удольская, Н. З. Хусаинова, М. Ф. Авазбакиева, А. П. Полосухин, С. Р. Шварцман, Т. М. Масенов, П. А. Лер, Байтулин И. О. және т.б. ірі ғалымдар мен дарынды педагогтар жұмыс істеді.

Халықаралық байланыс

Биология факультеті 78 жылдың ішінде биология ғылымының әртүрлі салалары бойынша ғылыми-зерттеу мекемелерінде, өндірістерде, тек қана Қазақстанның білім беру саласында ғана емес, ТМД елдерінде, сонымен қатар алыс шет елдердің (АҚШ, Франция, ГФР, Израиль, Грекия, Ұлыбритания, Дания және т.б.) білім саласында қызмет атқаратын 11 мыңнан аса мамандар даярлады. Биология факультетінің түлектері республикамыздың әртүрлі қызмет ету салаларында және шет елдердің Гарвард, Техас, Вирджиния университеттерінде (докторлар Архат Абжанов, Руслан Бияшев, Рүстем Омаров, Дос Сарбасов, Таттым Шайкенов), Густава Рози (Франция) институтында (доктор Мұрат Сапарбаев), Торонто (Канада) университетінде (доктор Нұрлан Келдібеков), Ұлыбритания университетінде (докторлар Күлпаш Нұрқиянова, Майра Танкиманова, Шолпан Давлетова), Арканзас штатының (АҚШ) Медицина ғылымдарының университетінде (доктор Раушан Құрмашева), Австралия университетінде (доктор Серiк Елiбаев) және көптеген мамандар табысты еңбек етуде.

Бүгінгі күні биология және биотехнология факультеті — Қазақстан Республикасының халық шаруашылығына қажетті жоғары дәрежелі мамандар даярлайтын ірі ғылыми-білім орталығы. Факультетте мамандар дайындау кредиттік технология шеңберінде көп деңгейлі жүйе бойынша жүзеге асырылады.

Оқытушылар

ҚР ҰҒА академигі, профессор И.О. Байтулин

Мамандарды дайындауда ҚР ҰҒА 4 академигі, 30 ғылым докторы, профессорлар, 9 философия докторы РһD және 85-ке жуық ғылым кандидаттары, доценттер, оқытушылар және ғылыми қызметкерлер қатынасады. Оқытушылар үнемі әл-Фараби атындағы ҚазҰУ жанындағы МЖИ, алыс және жақын шетел университеттерінде (ғылыми сынақтан өтеді) білімін жетілдіріп отырады. Оқытушылар ИНТРАНЕТ жүйесіне енгізілген пәндердің оқу-әдістемелік кешенінде көрсетілген дәрістерді оқу барысында білім беру технологиясының озық үлгілерін пайдаланады.

Биология факультетінің оқытушылары мен қызметкерлері ғылыми жұмыстарын 2 ғылыми-эерттеу институтының (Биология және биотехнология мәселелері ҒЗИ және Экология мәселелері ҒЗИ) зертханаларында атқарады. Іргелі және қолданбалы ғылыми жобаларды зерттеп, іске асыру жұмысына бакалавриат студенттері, магистранттар, РһD докторанттар тартылған, оларға еңбекақы төленеді. Болашақтағы жұмыс берушілердің тапсырысы бойынша ғылыми жобалардың тақырыбына сәйкес курстық, бітіру жұмыстары және магистрлік және докторлық (PhD) диссертациялары жасалады. Студентенттер ғылыми-зерттеу жұмыстарын жүргізу үшін жазғы семестр кезінде шетелдік белгілі ғылыми орталықтарға бара алады.

Ақпараттық базасы

Факультет дамыған ақпаратты-техникалық базамен қамтылған және білім алуға топық қолайлы шаралар қолданады. Факультетте 48 оқу зертханасы, Internet жүйесіне қосылған 4 компьютерлік класс, сирек кездесетін экспозициялары бар биологиялық мұражай, т.б. жұмыс жасайды. Студенттердің «Internet» ақпарат жүйесін ақысыз қолдануға мүмкіндіктері бар. Факультеттің оқу ғимаратында 160 орындық оқырман залы, мамандықтар бойынша 300 мыңнан астам оқу құралымен қамтылған кітапханасы бар.

Факультет кафедралары

Факультетте 5 кафедра қызмет істейді.

Биоалуантүрлілік және биоресурстар кафедрасы

Ботаника және экология, зоология және гистология кафедрасының бірігуінен биоалуантүрлілік және биоресурстар кафедрасы қалыптасты. Ботаника кафедрасы университеттің бұрынғы кафедралардың бірі, ол 1934 жылдың 1 қаңтарында құрылған. Кафедраның алғашқы меңгерушісі болып профессор П.М. Мищенко тағайындалған. Ол биология факультетінің бірінші деканы болған, кафедраның ғана емес, сондай-ақ жалпы факультеттің ұйымдасқан сауалдарымен белсенді айналысқан. Осы уақытқа дейін профессор П.М. Мищенкомен «Геоботаника», «Дәрілік өсімдіктер», «Шалғындық өсімдіктер» пәндері бойынша жұмыс жоспарлары өңделіп жасалды.

1935-1938 жылдар аралығында кафедрада К.Ю. Чехович, М.Г. Попов, Г.Н. Невадовский жұмыс істеді. 1938 ж. кафедраға профессор А.С. Лазаренко шақырылды. Оның келуімен ботаника кафедрасы базасында жеке екі кафедра ұйымдастырылды: жоғары сатыдағы өсімдіктер систематикасы кафедрасы және төменгі сатыдағы өсімдіктер систематикасы кафедрасы. Төменгі сатыдағы өсімдіктер систематикасы кафедрасын профессор Н.В. Павлов басшылыққа алса, ал жоғары сатыдағы өсімдіктер систематикасы кафедрасын – профессор А.С. Лазаренко басқарды. 1940 ж. күзінде екі ботаникалық кафедра «Ботаника кафедрасы» жалпы атауымен қайтадан біріктірілді. Кафедраны профессор Н.В. Павлов меңгерді.

Догель Валентин Александрович.Зоология кафедрасының меңгерушісі. 1942 жыл

Ұлы Отан соғысы (1941-1945 жж.) жылдарында кафедраның оқытушылық құрамы біршама өсті. Оның құрамында проф. Н.В. Павловтан басқа: доценттер С.Р. Шварцман, Н.Г. Агеева, ассистенттер: В.С. Корнилова, М.Н. Кузнецова, В.Г. Хржановский және 1939 жылдан - Б.А. Быков кірді. 1947 жылы С.Р. Шварцман докторлық диссертациясын Ленинградта қорғады. Сол жылдан бастап ол кафедраны басшылыққа ала бастады және 1947 жылдан 1961 жыл аралығында жалпы алғанда 14 жыл бойы кафедраны басқарды. Соның артынан жарияланған жұмыстардың жиынтығы бойынша В.С. Корниловаға биология ғылымдарының докторы дәрежесі беріледі, Б.И. Тарабаев пен Р. Я. Абузяров биология ғылымдарының кандидаты ізденушілік ғылыми дәрежесіне диссертациясын қорғайды.

Кафедраның жалпы кадрлық құрамында жоғары білікті ботаник мамандарды дайындауда ғылым докторлары, профессорлар ауқымды үлес енгізді. Профессор В.С. Корнилованың басшылығымен кафедраның 9 түлегі кандидаттық диссертациясын қорғады, олардың үшеуі соңында ғылым докторлары болды: олар Л. Ю. Буданцев, Н. М. Макулбеков және П. В. Шилин, алғашқы екеуі қазіргі кезде Ресейде тұрады және еңбек етуде. Әр жылдары кафедраны басқарғандар: 1961-1964 жж., 1975-1980 жж. Б. И. Тарабаева; 1964-1973 жж. проф. В. С. Корнилова, 1973-1975 жж. проф. И. О. Байтулин, 1980-1984 жж. доц. П. М. Мырзакулов, 1984-1989 жж. проф. С. А. Бедарев, 1989-2005 жж. проф. Н. М. Мухитдинов.

Кафедра және факультет үшін академик И. О. Байтулинның сіңірген еңбегінің маңызы ерекше. Биология факультетінің деканы (1967-1975) және сонымен қатар ботаника кафедрасының меңгерушісі бола жүріп, И.О. Байтулин кафедрада жаңа ұйымдасқан бағыттар бойынша мамандарды дайындауда ауқымды жұмыстарды жүзеге асырды. 1963 жылы өсімдіктердің тамырмен қоректенуін зерттеу бойынша лаборатория ашылды, мұнда ризология саласында мамандарды дайындауды жүргізді.

60-жылдардың басында Қазақстанда ризологиялық – ботаникалық зерттеудің жаңа бағыты пайда болды. Оның негізін қалаған академик И.О. Байтулин болды, соның іске асуы бойынша Қазақстанда «Ризологтар» мектебін құрды. Мұны растайтын 1991 жылы қыркүйектің 2-нен 6-сы аралығында Венада өткен ризологтардың III-ші халықаралық симпозиумында Қазақстаннан 10-шақты ризологтардың (олардың арасында 4 доцент кафедрадан) қатысуы болып табылады.

Әр жылдары кафедрада жоғары білікті ботаник, геоботаник, флорист мамандар жұмыс істеді: Н. Т. Агеева, Р. Я. Абузярова, М. Х. Хажмуратов, С. Б. Беспаев, Э. Р. Орловская, Н.В. Чечелева, И.Н. Головенко, Н.Х. Еремина, Л.Б. Ергалиева, Л.Т. Токбулатова, Б.Г. Валиханов, О.М. Бедарева, С.Т. Айтакова (Бекмуратова), М.С. Байтенов, С.А. Абиев, Н.К. Аралбаев.

Қазақстан Республикасының дербес қалыптасу жағдайында және шаруашылық нарық жүйесіне өту кезінде университет алдында жаңа күрделі міндеттерді шешуге бейімделген мамандарды дайындау, шиеленіскен мәселелердің бірі болды. Әл-Фараби атындағы Қазақ ұлттық университеті мамандарды дайындауда екі деңгейлік жүйеге көшті: бакалавриат және магистратура. Осыған байланысты кафедраның профессор-оқытушылық құрамы бірінші, тіпті екінші деңгейлік білімге арналған жаңа білікті сипаттамаларды, оқу жоспарларын, типтік және жұмыс жоспарларын құруда белсенді түрде қосылады. Бұл күрделі және жауапты міндет осы күнгі кафедраның профессор-оқытушылық құрамының толықтай күшінде болды: б.ғ.д., доцент Айдосова С.С. (кафедра меңгерушісі), б.ғ.д., профессор Н. М. Мухитдинов, б.ғ.д., профессор С.Г. Нестерова; доценттер: А. А. Аметов, Г.Н. Паршина, С.Т. Назарбекова, Б.К. Касымбеков, оқытушылар: А.Ж. Чилдебаева, Н.З. Ахтаева, Б.М. Тыныбеков.

ҚазҰУ зоология кафедрасының ресми ашылуы 1934 жылдың 15 қаңтарында болды.

Оның қызметкерлері әр кезеңдерде кафедраны басқарды: академик КСРО ҒА, б.ғ.д., профессор А.Н. Бартенев; академик АН КазКСР, б.ғ.д., профессор Б.А. Домбровский; б.ғ.д, профессор А.С. Космачевский; м.ғ.д., профессор П.О. Исаев; б.ғ.д., профессор А.А. Емельянов; аға оқытушы В.С. Бажанов; академик КСРО ҒА, б.ғ.д., профессор В.А. Догель; б.ғ.д, профессор. И.Г. Галузо; б.ғ.д, профессор Н.З. Хусаинова; б.ғ.д., профессор В.А. Хахлов; б.ғ.д., профессор В.В. Шевченко; б.ғ.к., доцент М.К. Джумалиев; б.ғ.д., профессор В.П. Митрофанов; б.ғ.к. А.Ф.Сидорова; б.ғ.к., доцент М.Е. Дильмухамедов; б.ғ.к., доцент К.Б.Олжабекова, б.ғ.д., профессор И.С.Колбай, б.ғ.д., профессор С.Т.Нуртазин 23 қаңтар 1934 жылы алғашқылардың бірі болып Зоология кафедрасы құрылды. Дегенмен де зоологтарды дайындауда тіпті 1934 жылы 26 шілдеде үш кафедра жүзеге асырыла бастады. Бірінші кафедра – Омыртқасыздар зоологиясы меңгерушісі – проф. А.Н. Бартенев (1934-1936), доц. З.М.Хусаинова (1936-1939) және қайтадан проф. А.Н.Бартенев (1939-1941) болды. Екіншісі Салыстырмалы анатомия және гистология (алғашқыда Адам анатомиясы және антропология кафедрасы болып аталған) кафедрасы болды, бұл кафедраны проф. П.О.Исаев (1934-1937), проф. Б.А.Домбровский (1937-1939) және проф. М.В.Пилат (1939-1941) басқарды. Үшінші кафедра Омыртқалылар зоологиясы меңгерушісі Б.А.Домбровский (1934-1937), аға оқытушы В.С.Бажанов (1938-1939) және проф. А.А.Емельянов (1940-1941) болды. Бұл үш кафедра 1941 жылға дейін жұмыс жасады, сонымен соғыс жылдарында олар Зоология кафедрасына біріктірілді, кафедраны меңгерген проф. А.Н. Бартенев (1941-1945), проф. В.А. Догель (1942) болды.

ҚазҰУ биология және биотехнология факультетінің оқытушылар құрамы

1946 жылы Зоология кафедрасы қайтадан екі байланысты кафедраға бөлінді: Омыртқалылар зоологиясы – кафедра меңгерушісі Н.З. Хусаинова (1946-1947), проф. А.С.Космачевский (1947-1951) және қайтадан доц. З.М. Хусаинова (1951-1956) болды. 1947 жылдан 1951 жыл аралығында Омыртқалылар зоологиясы кафедрасын меңгерген проф. В.А. Хахлов болды, ал ол кеткен соң кафедраны 1956 жылға дейін басқарған Б.А. Домбровский басқарды.

1956 жылы омыртқасыздар Зоологиясы мен омыртқалылар Зоологиясы қайтадан біріктірілді: Зоология кафедрасы құрылып, 13 жыл бойы проф. Б.А. Домбровский жетекшілік етті.

1961 жылы профессор Н.З.Хусаинованың бастамасымен Зоология кафедрасынан Ихтиология және гидробиология кафедрасы бөлініп шықты. 1965 жылы академик Б.А.Домбровскийдің бастамасымен Зоология кафедрасынан Гистология және цитология кафедрасы бөлініп шығып, доцент Ф.Х. Халилов жетекшілік етсе, ал 1966 жылы - профессор Т.М. Масенов басқарды.

50-ші жылдардың соңында 60-шы жылдардың басында Зоология кафедрасынан биологияға биофизикалық бағытты дамытуға арналған жағдайлар жасалды. Б.А. Домбровскийдің бастамасы бойынша электронды микроскопиялық лаборатория құрылды, мұнда үлкен ынтамен ізденіс жұмыстарын студент-зоологтар: В.М. Инюшин, Н.Воробьев, К.А. Сапаров және басқалары жүргізді.

1978 жылы Зоология кафедрасы мен Ихтиология және гидробиология кафедрасы кезекті қайта ұйымдастырылуға ұшырады: олар жалғыз Зоология және ихтиология кафедрасына біріктіріледі (кафедраның меңгерушісі профессор б.ғ.к., В.П. Митрофанов). 2002 жылдың ақпанынан 2006 жылдың қыркүйек айы аралығында кафедраны б.ғ.к., доцент К.Б.Олжабекова жетекшілік етті.

2006-2007 жылы кафедра меңгерушісінің атқарушылық міндетін б.ғ.д., профессор И.С.Колбай атқарды. 2007 жылы қыркүйек айында Ғылыми Кеңестің шешімімен зоология және ихтиология кафедрасы мен цитология және гистология кафедрасында бірлестіктер орын алды. Біріктірілген кафедра зоология және гистология кафедрасы болып аталды. Кафедраның меңгерушісі болып б.ғ.д. профессор С.Т. Нуртазин сайланды. Сол себепті екі кафедраның ғылыми бағыттары көп жағдайда сәйкес келетіні ескерілді, сонымен қатар цитология және гистология кафедрасы өз уақытында зоология кафедрасынан бөлініп шықты.

Биотехнология кафедрасы

Биотехнология кафедрасы- әл-Фараби атындағы ҚазҰУ-нің жетекші кафедраларының бірі. Кафедра 2011 жылдың қыркүйек айында биотехнология, биохимия, өсімдіктер физиологиясы мен микробиология кафедраларының бірігуі нәтижесінде пайда болды. Кафедра меңгерушісі б.ғ.д., профессор Заядан Болатхан Казыханұлы. Кафедраның барлық оқытушылары ғылми дәрежеге ие. Кафедралар құрамда 13 профессор, 25 доцентi және 3 PhD жұмыс істейді.

Кафедралар негiзгі мақсаты төмендегідей:

көкейкестi ғылыми зерттеулердi жүргізу;
заманауи биотехнолог мамандарды даярлау;
бiлiм беру үдерісі ұйымының инновациялық әдiстерiнiң базасында оқу-тәрбиелiк және оқу-әдiстемелiк жұмыстарын сапалы түрде iске асыру;
бiлiмнің сапасының жоғарылатуын қамтамасыз ететiн материалдарын әбден жетiлдiрілу және сол бағдарламаларды студенттер және тыңдаушыларға түсіндіре білу.

Кафедра биотехнология мамандығы бойынша - бакалавриат, магистратура, докторантура дайындап шығарады.

Биофизика және биомедицина кафедрасы

Кафедра бакалаврларды, магистранттар мен (PhD) докторанттарды дайындайды, «Биология», «Биология» (педагогикалық), «Биотехнология», «Экология» «Физкультура және спорт», «Биофизика» мамандықтарына міндетті және элективті курстарды оқыды.

Кафедрада 71 студент мамандандырылды – «Биология» (педагогика), 7 студент-«Биология» (ғылыми), 2 магистрант – «Биология» мамандығы – 2 студент «Биология» (педагогика), «Биофизика» мамандығы бойынша 2 және 3 оқу жылында 3 докторант оқиды.

Биология ғылымының докторы, профессор С.Т.Төлеуханов кафедра меңгерушісі, академик Ғылыми ақпараттық Халықаралық академиясы, академик НАН ВШ РК, бірнеше ғылыми журналдардың редколлегия мүшесі, ҚазҰУ ректораты мен ғылыми кеңестің мүшесі, биология факультетінің ғылыми кеңесінің мүшесі, биотехнология мен проблем биологии НИИ НТС мүшесі, «Биология» секциясы биология мамандықтарының оқу-методикалық комиссия төрағасы, биологиялық және медицина ғылымының КН МОН РК жоғарғы ғылыми-техникалық кеңестің мүшесі (ВНТ), жоғарғы аттестациялық комиссия МОН РК Президиум мүшесі.

Кафедрада профессорлар-мұғалімдердің жалпы саны 11,75 құрайды, штаттық қызмет саны 14 адам, оның 3 ғылым докторы, профессор, 1 профессор ҚазҰУ, 9 доцент және 1 мұғалім ғылыми дәрежесіз.

Кафедраның негізгі есептері:

Жоғарғы сапалы түлектерді дайындау қамтылады.
Оқу әдістерін жетілдіру, үнемі оқу курстарын жаңарту, жаңа эксперименттер мен теоретикалық материалдардың есебінен.
Оқулықтарды дайындау, оқу құралдары мен оқу-методикалық материалдарды оқылатын курстар бойынша, материалдарды негізінде мемлекеттік тілде дайындау.
Зерттеу жұмыстарын жетілдіру және нәтижелерін лабораториялық сабақтар мен арнайы практикалық сабақтарға лекциялық курстар бағдарламасына енгізу.

Ғылыми және оқу орындарымен байланыста болып, халықаралық және ұлттық конференциялар мен съездерге қатысу.

Молекулалық биология және генетика кафедрасы

Кафедра қалыптасқаннан бастап 560-тан астам мамандар шығарылды. Кафедрада аспирантураны 70-тей адам сәтті бітіріп шықты. Кафедраның 90-нан астам бітірушілерінің, аспиранттарының, докторанттарының биология ғылымдарының кандидаттары мен докторанттары ғылыми дәрежелері бар, ал c 2008 жылдан - Ph.D ғылыми дәрежесін ала бастады.

Кафедра жалпы және молекулалық генетика, өсімдіктер генетикасы мен селекциясы, адам генетикасы, молекулалық және клеткалық биология, өсімдіктер мен жануарлар биотехнологиясы мамандықтары бойынша дайындық жүргізеді. Студенттер кафедрада мамандану уақытында қазіргі заманғы генетика мен молекулалық биологияның әртүрлі салаларынан негізгі теоретикалық дайындықты алады.

Мемлекет үшін дәрежелі генетиктермен молекулалық биологтарды дайындау жолында кафедра жан-жақты ғылыми-зерттеу жұмыстарын жүргізеді. Кафедраның негізгі ғылыми зерттеулері мынандай бағыттарда дамып жатыр: хромосомалық инженерия және өсімдіктер селекциясының генетикалық негіздері; гендердің қалыптасуы және молекулалақ - генетикалық механизмдерінің реттелуімен олардың белсенділігін зерттеу; жалпы генетика курсы бойынша оқу процесін жүзеге асыру үшін объектілермен шаруашылық – құнды генофондты байыту; адам мен жануарлардың, өсімдіктердің тұқымқуалау аппаратына экологиялық-қолайсыз факторлардың әсерін талдау.

Хромосомалық инженерия бойынша зерттеулер бидай сорттарының генотиптерінде аудандастырылған белгілі бір шаруашылыққа құнды белгілерді бақылайтын гендерді енгізу және химиялық мутагенездің генетикалық әсерлеріне негізделген. Геномдардың қызметін зерттеу бойынша жұмыстардың мынандай мақсаттары бар: генетикалық модуляторлардың әсерінен гендер экспрессиясын координациялайды және клеткалық және молекулалық механизмдерді қалыптастырады, сонымен қатар жасушаішілік сигнализацияның молекулалық-генетикалық негізімен онкогенездің, геномның тұрақсыздығына әкеледі. Көптеген бітірушілер көрнекті ғалымдар және тәжірибелі селекциялық станциялармен ҒЗИ бөлімшелерінің жетекшілерімен директорлары, ғылым ұйымдастырушылары болып табылады, сонымен қатар ЖОО мұғалімдері. Біздің бітірушілер шетел мамандарының арасында өздерінің еңбектерімен жоғарғы беделге ие болды (Ұлыбританияда, Египетте, Израилде, АҚШ, Францияда, ГФР және т.б. мемлекеттерде).

Дене шынықтыру және спорт кафедрасы

Факультет студенттерінің өмірі

Студенттердің оқу мен ғылымды ұштастыруы - факультеттің басты ұстанымы. Студенттік өмір кезеңінде жүргізген ғылыми жұмыстарыңыздың жетістіктері Сіздердің көпшілігіңізге ғылым әлеміне алғашқы қадам жасауға жол ашады. Студент жастарды тәрбиелеудегі басты мақсатымыз Қазақстандық патриотизмді, жалпыадамзаттық құндылықтарды бағалау, студенттердің қызығушылығын және құқығын қорғау. Факультетімізде белсенді студенттермен бірге Маслихат, Студенттік кеңес, студент жастардың әлеуметтік жағдайларын бақылайтын «Сұңқар» кәсіподақ комитеті, қауіпсіздік кеңес жұмыс жасайды. Тәрбиелік процестердің ұйымдастырылуы жастардың өмірлерінде шығармашылық пен жарқын естеліктер қалуы үшін, өздеріне сенімді таңдауды жасау, бағалай білуі, халқымыздың негізгі мәдениетін, салт дәстүрін қалыптастыру үшін жасалынады. Жыл сайын факультет қабырғасында түрлі іс-шаралар өткізіліп тұрады. Әсіресе, мұғалімдер мен студенттердің қатысуымен болатын «Декан кубогы» сарапқа салынады. Факультетінің көңілді тапқырлар клубы «Второе дыхание» командасы көптеген сайыстарға қатысып, жүлделі орындарға иеленеді. Біздің факультетіміздің студенттер кеңесі жыл сайын «Бірінші курс студенттерінің қабылдау рәсімі», «Алтын күз» және т.б. секілді іс-шараларды өткізіп отырады.

Қоғамдық жұмыс

Биология факультетінің профсоюзы «Сұңқар» деканның қолдауымен белсенділер және кафедралар «Балалардың күлкісі» атты Алматы облысындағы балалар үйінде қайырымдылық акциясын өткізіп отырады. Бүгінде тәрбиелеудің жалпы парадигмасы өзгеруде. Біздің түлектер еңбек базарында бәсекелестікке қабілетті болуы шарт. Интеллектуальдылығы дамыған мамандарға сұраныс артып келеді, сондықтанда тәрбиелік мәселерді шешуде біз білім саласындағы процестермен қатар алып жүреміз. Тәрбиелеу процесі мен білім беру процесін бөліп жарып қарастыруға болмайды.