Алмагүл Божанова

Божанова Алмагүл (14. 3.1946 жылы туған, Тереңөзек (қазіргі Сырдария) ауданы Қызылөзек ауылы ) – қызметкер. Мәншүк Мәметова атындағы қыздар педагогикалық училищесін (1964), Қызылорда педагогикалық институтын (қазіргі Қорқыт ата атындағы Қызылорда мемлекеттік университет) бітірген (1970). 1964 – 72 жылы Тереңөзек ауданындағы Шаған ауылында балалар бақшасының меңгерушісі, Бесөзек ауылындағы мектепте мұғалім болып істеді. 1972 – 77 жылы аудан комсомол комитетінің бірінші хатшысы, 1977 – 83 жылы А.Тоқмағанбетов ауылында мектеп директоры болды. 1983 – 92 жылы ауданы партия комитетінің хатшысы, халық депутаттары Тереңөзек ауданы Кеңесі атқару комитетінің орынбасары, төрағасы қызметтерін атқарды. 1992 – 99 жылы Тереңөзек ауданының әкімі болды. 1999 және 2003 жылы облыстық Мәслихаттың депутаты, хатшысы болып сайланды. «Құрмет белгісі» орденімен, медальдармен марапатталған. Республикалық ұлттық Кеңестің мүшесі.

Дереккөздер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том